Անվանափոխության վկայականի կրկնօրինակը ստանալու համար անհրաժեշտ է՝

• նույնականացումից հետո մուտքագրել պահանջվող տեղեկատվությունը,
• լրացնել անձնական տվյալները,
• ընտրել ակտի տեսակը, այս դեպքում՝ անվանափոխություն,
• նշել գրանցման վայրը,
• ներբեռնել անձնագրի սքանավորված տարբերակը և ընտրել ապոստիլով վավերացնելու կարիքը,
• կատարել վճարումը, ընդ որում՝ որոշ դեպքերում ծառայությունն անվճար է (մանրամասները ներկայացված են ստորև)։

Վճարման չափը և կարգը

• Մինչև 2014 թվականի սեպտեմբերի 30-ը տրամադրված վկայականի կրկնօրինակը ստանալու համար անհրաժեշտ է վճարել 5,000 դրամ։
• 2014 թվականի սեպտեմբերի 30-ից հետո տրամադրված վկայականի դեպքում առաջին անգամ դիմելիս կրկնօրինակը տրամադրվում է անվճար, իսկ ամեն հաջորդ անգամ դիմելիս անհրաժեշտ է վճարել 5,000 դրամ։
• Ապոստիլով վավերացման դեպքում անհրաժեշտ է վճարել հավելյալ 7,000 դրամ։

Վճարումը կատարվում է առցանց՝ դիմումը ներկայացնելու էջում։

Տրամադրման ժամկետը և կարգը

Անվանափոխության վկայականի կրկնօրինակը 3 աշխատանքային օրվա ընթացքում ուղարկվում է դիմողի էլեկտրոնային փոստի հասցեին։

Հղում օրենսդրությանը

• «Քաղաքացիական կացության ակտերի գրանցման մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում։