Պահանջվող փաստաթղթերը

Թույլտվությունը ստանալու համար անհրաժեշտ է ներկայացնել հետևյալ փաստաթղթերը՝

• դիմում-հայտ,

• արտահանման դեպքում արտահանվող վայրի կենդանու ձեռքբերումը (հավաք, մթերում, գնում) հաստատող փաստաթուղթ (պատճեն),

• ներմուծման դեպքում արտահանող երկրի թույլտվությունը (պատճեն) կենդանու արտահանման համար կամ մաքսային հայտարարագիր, արտահանող երկրի մաքսային մարմնի կողմից կնքված կամ վավերացված ապրանքն ուղեկցող փաստաթղթեր։

Ծառայության մատուցումը մերժելու հիմքերը

Հայտը մերժվում է, եթե՝

• բացակայում են անհրաժեշտ փաստաթղթերը կամ դրանցում ներկայացված տեղեկությունները չեն համապատասխանում իրականությանը,

• հայտում նշված են արտահանող (ներմուծող) երկրների, ինչպես նաև միջազգային կարմիր գրքերում գրանցված հազվագյուտ, անհետացող կամ վտանգված վայրի կենդանիներ։

Որոշ դեպքերում տվյալ վայրի կենդանու արտահանման (ներմուծման) բնապահպանական նպատակահարմարությունը որոշելու նպատակով ՀՀ ՇՄ նախարարության կողմից կատարվում է հարցում համապատասխան կազմապերպություններին, կամ կազմակերպվում են մասնագիտական քննարկումներ՝ ներգրավելով գիտական և շահագրգիռ կազմակերպությունների մասնագետներին։

Մասնագիտական քննարկման են ենթակա նաև վերոնշյալ վայրի կենդանիների գիտահետազոտական, արհեստական և բնական պայմաններում դրանց վերարտադրության նպատակով արտահանման (ներմուծման) համար ներկայացված հայտերը։

Տրամադրման ժամկետը և կարգը

Թույլտվությունը տրվում է ՀՀ Շրջակա միջավայրի նախարարության կողմից դիմումը ներկայացնելուց հետո 10 աշխատանքային օրվա ընթացքում, վերարտադրված (բուծված) ձկների արտահանման դեպքում՝ 2 աշխատանքային օրվա ընթացքում։

Հղում օրենսդրությանը

• ՀՀ կառավարության 2002 թվականի հուլիսի 18-ի N1174-Ն որոշում

• «Կենդանական աշխարհի մասին» ՀՀ օրենք

Իրավական ակտերը հնարավոր է գտնել Arlis.am-ում։