Նախ անհրաժեշտ է գրանցվել հարկային մարմնի հաշվետվությունների ներկայացման էլեկտրոնային համակարգում։ Դրա համար անհրաժեշտ է «Շարունակել» կոճակը սեղմելուց հետո՝ 

• սեղմել ներքևում գտնվող «Ներկայացնել հայտ» կոճակը,
• մուտքագրել էլեկտրոնային փոստի հասցեն,
• անցնել էլ․ փոստի հասցեին ուղարկված հղումով,
• լրացնել անհրաժեշտ տվյալները, ընդ որում՝ հեռախոսահամարը անհրաժեշտ է լրացնել հետևյալ ֆորմատով` +(374) xx xx xx xx, իսկ օգտվողի անունը պետք է կազմված լինի փոքրատառ լատինատառերից և կարող է ներառել թվեր,
• սեղմել «Էլեկտրոնային պայմանագրի կնքում» կոճակին և ներբեռնել համակարգում գրանցվելու վերաբերյալ պայմանագիրը, ստորագրել թվային եղանակով և վերբեռնել այն՝ սեղմելով «Ընտրեք ֆայլը» կոճակին։

Այնուհետև նոր աշխատակցի գրանցելու համար անհրաժեշտ է՝

• մուտք գործել անձնական էջ,
• ընտրել «Հաշվետվություններ» բաժինը,
• ընտրել թիվ 69 «Վարձու աշխատողի և պայմանագրային եկամուտ ստացող ֆիզիկական անձի անհատական տվյալների» գրանցման հայտը,
• մշակող արդյունաբերության ոլորտում գործելու դեպքում՝ ընտրել «Մշակող արդյունաբերության ոլորտում աշխատողների ներգրավման վերաբերյալ» հայտը,
• լրացնել անհրաժեշտ տվյալները, որից հետո հաշվետվությունը կհայտնվի «Անավարտ հաշվետվություններ» բաժնում (այդ բաժնում հնարավոր է այն խմբագրել),
• ավարտելուց հետո սեղմել «Գրանցել» կոճակը, և հաշվետվությունը կհայտնվի «Լրացված  հաշվետվություններ» բաժնում,
• այնուհետև ներբեռնել լրացված հաշվետվությունը, ստորագրել թվային ստորագրությամբ, վերբեռնել և հանձնել ՊԵԿ։
  
  

Պահանջվող փաստաթղթերը

Նոր աշխատողին գրանցելու համար անհրաժեշտ է նշել՝

• աշխատողի անձնագրի, նույնականացման քարտի տվյալները,  
•  հանրային ծառայության համարանիշը։

Օտարերկրյա քաղաքացու դեպքում անհրաժեշտ կլինեն նրա անձնագրի և կացության քարտի տվյալները։

Ուշադրություն
Նոր աշխատողի տվյալները Պետական եկամուտների կոմիտե պետք է հանձնել մինչև աշխատողի՝ փաստացի աշխատանքի անցնելու օրվա նախորդ օրը։

Տրամադրման ժամկետը և կարգը

Աշխատողի գրանցման մասին ծանուցումը ստացվում է անմիջապես հայտը ներկայացնելուց հետո։

Հղում օրենսդրությանը

ՀՀ կառավարության՝ 2017 թվականի սեպտեմբերի 28-ի N 1214-Ն որոշում

Որոշումը հնարավոր է գտնել arlis.am-ում։