Ծրագրին դիմելու համար «Շարունակել» կոճակը սեղմելուց հետո անհրաժեշտ է՝

• գրանցվել համակարգում՝ լրացնելով անհրաժեշտ տվյալները,
• ընտրել «Գործազուրկների զբաղվածության ապահովման ծրագիր» տարբերակը,
• ներկայացնել աջակցություն ստանալու դիմում։

Ներկայացվող պահանջները

Աջակցության ծրագրին կարող են դիմել այն կազմակերպությունները, որոնք՝

• մինչև դիմում ներկայացնելը գործել են առնվազն 2 տարի անընդմեջ,
• վերջին 3 ամսվա ընթացքում անընդհատ ունեցել են առնվազն 10 վարձու աշխատող,
• հաշվարկված եկամուտների փաստացի ֆոնդում նշված ժամանակահատվածում նվազում չեն ունեցել, կամ նվազումը կազմել է առավելագույնը 5%,
• հանրային ծառայություն իրականացնող պետական կառավարման համակարգի մարմին չեն։

Ընդ որում՝ աշխատանքի ընդունվող անձը պետք է որպես գործազուրկի կարգավիճակ ունեցող անձ հաշվառված լինի իր բնակության վայրը սպասարկող զբաղվածության տարածքային կենտրոնում։

Պահանջվող փաստաթղթերը

Անհրաժեշտ է առցանց դիմումին կցել հետևյալ փաստաթղթերի սքանավորված տարբերակները՝

• աշխատանքի ընդունվող՝ նախկինում գործազուրկ անձի հետ կնքված աշխատանքային պայմանագիր,
• եկամուտների վերաբերյալ հաշվետվություն։

Տրամադրման ժամկետը և կարգը

Դիմումի հաստատման կամ մերժման դեպքում գործատուի անհատական օգտահաշվին և էլեկտրոնային փոստի հասցեին կուղարկվի ծանուցում։

Դիմումի հաստատման դեպքում գործատուին կտրամադրվի միանվագ ֆինանսական աջակցություն աշխատանքի ընդունված յուրաքանչյուր անձի համար՝

• 250,000 ՀՀ դրամ, կամ՝
• 350,000 ՀՀ դրամ, եթե աշխատանքի ընդունվող անձը ընտանեկան կամ սոցիալական նպաստ է ստանում։