Հարկային պարտավորությունները ստուգելու համար անհրաժեշտ է մուտք գործել համակարգի անձնական հաշիվ։ 

Անձնական հաշիվ հնարավոր է մուտք գործել՝

• «ԵսԵմ» ազգային նույնականացման հարթակի միջոցով,
• Face ID համակարգի միջոցով, կամ՝
• համակարգում գրանցվելով։

Գրանցվելու համար «Շարունակել» կոճակը սեղմելուց հետո անհրաժեշտ է՝

• սեղմել «Գրանցել նոր հաշիվ» կոճակը,
• ինքնանկար անել նույնականացման (ID) քարտը կամ անձնագիրը ձեռքին, 
• լուսանկարել նույնականացման քարտի կամ անձնագրի լուսանկարով էջը,
• նույնականացման քարտով արված ինքնանկարի դեպքում լուսանկարել դրա դարձերեսը, իսկ անձնագրով արված ինքնանկարի դեպքում՝ սոցիալական քարտը,
• մուտքագրել պահանջվող անձնական տվյալները, հաստատել տվյալների ճշգրտությունը և սեղմել «Գրանցվել» կոճակը,
• նշված էլեկտրոնային փոստի հասցեին ուղարկված հաղորդագրության մեջ հաստատել էլեկտրոնային փոստը։

1 աշխատանքային օրվա ընթացքում էլեկտրոնային փոստի հասցեին կուղարկվի գրանցման հաստատման վերաբերյալ հաղորդագրություն։

Վճարման կարգը

Անձնական էջի վերին հատվածում մուտքագրելով ՀԾՀ-ն կամ անձնագրի համարը՝ հնարավոր կլինի տեսնել առկա պարտավորությունները, որոնք առցանց եղանակով մարելու համար անհրաժեշտ է անցնել «Վճարումներ» բաժին։