Ստորև նշված քայլերը անհրաժեշտ է կատարել «Շարունակել» կոճակը սեղմելուց հետո.

• այցելել yerevan.am,
• ընտրել «Մեկ պատուհան» բաժինը, 
• «Կառուցապատման թույլտվությունների և քաղաքաշինական փաստաթղթերի դիմումներ» բաժնից ընտրել Միայն քանդման (կամ ապամոտաժման) թույլտվության դիմում /Ձև 2-2/ ծառայությունը,
• ծանոթանալ ներկայացված փաստաթղթերի ցանկին, բեռնվող փաստաթղթին և ձևանմուշին,
• սեղմել «Ուղարկել առցանց դիմում կոճակը»,
• լրացնել տվյալները կամ անցնել «ԵսԵմ» նույնականացում,
• ընտրել դիմողի տեսակը՝ ֆիզիկական կամ իրավաբանական անձ,
• լրացնել պահանջվող տվյալները, կցել անհրաժեշտ փաստաթղթերը և հանձնել դիմումը (պետք է կցել լրացված և ստորագրված դիմումը PDF, իսկ այլ կից ֆայլերը՝ PDF և JPEG ձևաչափերով, մեկ ֆայլի առավելագույն ծավալը՝ 50 MB)։
  
  

Ներկայացվող պահանջները

Շինարարական օբյեկտի քանդման աշխատանքների դիմում ներկայացնելու համար անհրաժեշտ է ունենալ պետական գրանցում ստացած հողատարածք կամ անշարժ գույք և դրա սեփականության իրավունքի վկայականը։

Պահանջվող փաստաթղթերը

Շինարարական օբյեկտի քանդման աշխատանքների դիմում ներկայացնելու համար անհրաժեշտ է ներկայացնել․

• դիմողի անձը հաստատող փաստաթղթի պատճենը՝ Ֆիզիկական անձի դեպքում (իրավաբանական անձի դեպքում՝ պետական ռեգիստրի գրանցման քաղվածքը), իսկ կառուցապատողի փոխարեն իր օրինական ներկայացուցչի հանդես գալու դեպքում՝ նաև համապատասխան լիազորագիրը,
• օբյեկտի քանդման նախագծային փաստաթղթերը,
• փորձաքննության դրական եզրակացությունը կամ նախագծային աշխատանքներ իրականացնող կապալառուի գրավոր երաշխավորագիրը,
• անշարժ գույքի սեփականության իրավունքի գրանցման վկայականի պատճենը,
• քանդման թույլտվության համար օրենքով սահմանված տեղական տուրքը վճարելու մասին անդորրագիրը: 

Տրամադրման կարգը և ժամկետը

• Դիմելուց հետո տրամադրված էլեկտրոնային փոստի հասցեին և հեռախոսահամարին դիմողն անմիջապես ստանում է ծանուցում, որտեղ նշված է թվային ծածկագիր, որի միջոցով հնարավոր է առցանց հետևել դիմումի ընթացքին։ 
• Շինարարական օբյեկտի քանդման թույլտվությունը տրամադրվում է դիմումը ներկայացնելուց հետո մինչև 15 աշխատանքային օրվա ընթացքում՝ ըստ շինության ռիսկայնության 1-ից 4-րդ աստիճանի, որը սահմանում է ՀՀ քաղաքաշինության կոմիտեն։
  
  

Վճարման չափը և կարգը

• Քանդման թույլտվության տուրքը Երևանում 35,000 ՀՀ դրամ է։
• Այն պետք է վճարել 900015000889 հաշվեհամարին։

Ուշադրություն

Կառուցապատողը պարտավոր է շինարարության քանդման աշխատանքները սկսելուց առնվազն 3 օր առաջ այդ մասին համապատասխան տեղեկանքով իրազեկել Երևանի քաղաքապետարանին (տեղական ինքնակառավարման մարմնին): 

Հղում օրենսդրությանը

• «Քաղաքաշինության մասին» ՀՀ օրենք

• «Պետական տուրքի մասին» ՀՀ օրենք

• ՀՀ կառավարության՝ 2015 թվականի մարտի 19-ի N 596-Ն որոշում

• ՀՀ Երևան քաղաքի ավագանու՝ 2023 թվականի դեկտեմբերի 26-ի N 42-Ն որոշում

Իրավական ակտերը հնարավոր է գտնել arlis.am-ում։