Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո․

• այցելել e-cadastre.am,
• նույնականացվելուց հետո մուտք գործել, ստուգել անձնական տվյալները, տրամադրել էլեկտրոնային փոստի հասցե, էջի ձախ հատվածում ընտրել «Պետական գրանցում» բաժինը, ապա՝ «Իրավունքի պետական գրանցում» կոճակը,
• բացված էջում ընտրել գործարքի տեսակը,
• նշել անշարժ գույքի հասցեն (որոնումը հնարավոր է կատարել նաև անշարժ գույքի վկայականի համարով կամ կադաստրային ծածկագրով, որը տվյալ գույքին տրվող եզակի համարն է)՝ լրացնելով համապատասխան դաշտերը, այնուհետև սեղմել «Հաջորդը» կոճակը,
• նշել դիմումի կատարման ժամկետը, կցել անհրաժեշտ փաստաթղթերը, վերբեռնել էլեկտրոնային ստարագրությամբ դիմումը, վճարել և հանձնել դիմումը։ 

Ներկայացվող պահանջները

Մինչև իրավունքի պետական գրանցումը անշարժ գույքի պետական ռեգիստրը նոտարի ծանուցմամբ գույքի նկատմամբ սեփականության իրավունքը ձեռք բերող անձի անունով կատարում է գույքային իրավունքի վերաբերյալ նախնական նշում:

Պահանջվող  փաստաթղթերը

Բնակարանի գնման իրավունքը գրանցելու համար անհրաժեշտ է ներկայացնել․

• անձնագիր կամ նույնականացման քարտ,
• բնակարանի գնման իրավունքի ձեռքբերման պայմանագիրը,
• պետական տուրքի վճարման կտրոնը։

Տրամադրման կարգն ու ժամկետը

Բնակարանի գնման իրավունքի պետական գրանցման մասին ծանուցումն ուղարկվում է դիմումի մեջ նշված էլեկտրոնային փոստի հասցեին և հեռախոսահամարին, իսկ գնման իրավունքի վկայականը՝ էլեկտրոնային փոստի հասցեին դիմումից հետո 4 աշխատանքային օր անց։ 

Ծանուցմամբ նշվում են իրավունքի գրանցման համարը և գաղտնաբառը, որոնց միջոցով Կադաստրի կոմիտեի կայքում կարելի է առցանց ստուգել նշված գույքի վերաբերյալ տեղեկատվությունը։ 

Վճարման չափը և կարգը

Բնակարանաի գնման իրավունքի գրանցման համար գանձվում է պետական գրանցման ծառայության վճար՝ 50,000 դրամ, պետական տուրքի վճար՝ 3,000 դրամ։ Իրավունքի վկայականը տրամադրվում է 4 աշխատանքային օրվա ընթացքում։

Դիմողի ցանկությամբ գրանցումը կարող է կատարվել նաև արագացված կարգով՝ հավելավճարի դիմաց․

• 100,000 դրամ՝ 3 աշխատանքային օրում,
• 150,000 դրամ՝ 2 աշխատանքային օրում,
• 300,000 դրամ՝ 2 ժամում։

Հղում օրենսդրությանը 

• «Գույքի նկատմամբ իրավունքների պետական գրանցման մասին» ՀՀ օրենք
• «Պետական տուրքի մասին» ՀՀ օրենք

Օրենսդրական ակտերը հնարավոր է գտնել arlis.am-ում։