Ինչպե՞ս դիմել 

Անգործունակին ՀՀ քաղաքացիության շնորհման հայտ ներկայացնելու համար  անհրաժեշտ է՝ 

• գրանցվել և մուտք գործել անձնական օգտահաշիվ,
• ցանկից ընտրել դիմումներ բաժինը,
• սեղմել նոր հայտ կոճակը,
• ընտրել ծառայության տեսակը, 
• տվյալների անհամապատասխանության կամ փոփոխության դեպքում նշել ընտրավանդակը և կցել հավաստող փաստաթուղթ,
• ստուգել անձնական տվյալների համապատասխանությունը(կարող եք ավելացնել հավելյալ բնակության հասցե, հեռախոսահամար),
• հաջորդիվ կցել անգործունակ անձի հանրային ծառայությունների համարանիշը (ՀԾՀ՝ եթե առկա է) կամ օտարերկրյա անձնագիրը՝ հայերեն վավերացված թարգմանության հետ միասին,
• տվյալների անհամապատասխանության կամ փոփոխության դեպքում նշել ընտրավանդակը և կցել հավաստող փաստաթուղթ,
• հաջորդ էջում կցել 3x4 չափի լուսանկար,
• կցել անհրաժեշտ փաստաթղթերը,
• ցանկության դեպքում կցել մերձավոր ազգականների տվյալները,
• ստուգել տվյալների ամբողջականությունը և ուղարկել հայտը,
• կատարել պետական տուրքի վճարում՝ սեղմելով համապատասխան կոճակը։

Ներկայացվող պահանջները

Անգործունակի համար ՀՀ քաղաքացիություն ստանալու դիմում ներկայացնելու համար անհրաժեշտ է՝ 

• լինել ՀՀ քաղաքացի,
• լինել անգործունակի օրինական խնամակալ։

Պահանջվող փաստաթղթերը

• ՀՀ քաղաքացի հանդիսացող դիմումատուի անձնագիր,
• անգործունակի օտարերկրյա անձնագիրը,
• խնամակալ ճանաչելու մասին խնամակալության ու հոգաբարձության մարմնի որոշումը,
• անգործունակ լինելու փաստը հաստատող դատարանի վճիռ,
• լրացուցիչ փաստաթղթեր՝ առկայության դեպքում (օրինակ՝ այլ դատական ակտեր)

Վճարման չափը և կարգը

Պահանջվող բոլոր փաստաթղթերը կցելուց և տվյալները լրացնելուց հետո անհրաժեշտ է համակարգում իրականացնել պետական տուրքի վճարում առցանց եղանակով։

Քաղաքացիություն ստանալու համար պետական տուրքի վճարը 50,000 դրամ է։

Անհրաժեշտ փաստաթղթերը կցելուց հետո համակարգը կուղղորդի առցանց վճարման համապատասխան էջ։ 

Տրամադրման ժամկետը և կարգը 

Հայտն ուղարկելուց հետո 15 աշխատանքային օրվա ընթացքում էլեկտրոնային փոստով և հարթակի միջոցով ծանուցվում է հայտի հաստատման մասին։

Եթե հայտում բացակայում են անհրաժեշտ թարգմանությունները կամ ներկայացված փաստաթղթերը չեն բավարարում ընտրված հիմքին, ապա հայտը ուղարկվում է շտկման, որի համար տրվում է 10 աշխատանքային օր։ 

Հայտի հաստատման դեպքում ուղարկվում է ծանուցում՝ այցի օր ընտրելու վերաբերյալ։ Ընտրված օրը և ժամին պետք է ներկայանալ ՄՔԾ գրասենյակ կամ հյուպատոսարան՝ անհրաժեշտ բոլոր փաստաթղթերի բնօրինակներով։ 

Հղում օրենսդրությանը

ՀՀ քաղաքացիության մասին օրենք

ՀՀ կառավարության 2026 թվականի հունվարի 22-ի N 97-Ն որոշում

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակը)։