Շինարարության թույլտվության հիման վրա սկսված աշխատանքների մասին տեղեկացնելու համար պետք է այցելել Երևանի քաղաքապետարան (հասցե՝ Արգիշտի 1)։

Ներկայացվող պահանջները

Շինարարական աշխատանքների սկսելու մասին տեղեկանքը ստանալու համար անհրաժեշտ է ունենալ․

• պետական գրանցում ստացած հողատարածք կամ անշարժ գույք և դրա սեփականության իրավունքի վկայականը,
• շինարարական աշխատանքների թույլտվեություն։
  
  

Պահանջվող փաստաթղթերը

Տեղեկանքի համար անհրաժեշտ է ներկայացնել.

• դիմողի անձը հաստատող փաստաթուղթը (իրավաբանական անձի դեպքում՝ պետական ռեգիստրի գրանցման վկայականի պատճենը), իսկ որպես օրինական ներկայացուցիչ հանդես գալու դեպքում՝ նաև համապատասխան լիազորագիրը,

• կառուցապատողի կողմից հաստատված նախագծային փաստաթղթերը,

• փորձաքննության դրական եզրակացությունը, իսկ սահմանված դեպքերում՝ նախագծային փաստաթղթերը մշակող կապալառուի գրավոր երաշխավորագիրը։

• լրացված տեղեկանքը (տեղեկանքի ձևը տրամադրվում է քաղաքպետարանի կողմից)։
  
  

Տրամադրման կարգը և ժամկետը

• Տեղեկանքը ներկայացնելուց հետո այն ընդունվում է ի գիտություն, և այդ մասին Երևանի քաղաքապետարանը եռօրյա ժամկետում գրավոր տեղեկացնում է նաև ՀՀ քաղաքաշինական պետական կոմիտեին` կցելով տեղեկանքի պատճենը։
• Եթե հաստատված ընթացակարգով սահմանված ժամկետներում չի ներկայացվում տեղեկանքը, ապա դա հիմք է՝ տրված շինարարության թույլտվության գործողությունը Երևանի քաղաքապետարանի կողմից ժամանակավորապես կասեցնելու համար:
• Եթե շինարարության ընթացքում փոփոխվում են շինարարության (կամ քանդման) թույլտվության և (կամ) տեղեկանքով նախկինում ներկայացված տվյալները, ապա կառուցապատողը պարտավոր է նույն ձևաթղթով 5-օրյա ժամկետում Երևանի քաղաքապետարանի «Մեկ Պատուհան» մուտքագրել փոփոխված տեղեկատվությանը վերաբերող համապատասխան տեղեկանքը:
  
  

Հղում օրենսդրությանը

ՀՀ կառավարության՝ 2015 թվականի մարտի 19-ի N 596-Ն որոշում

Որոշումը հնարավոր է գտնել arlis.am-ում։