ՀՀ բնակչության պետական ռեգիստրում հաշվառվելուց հետո ժամանակավոր պաշտպանության վկայական ստանալ/փոխանակելու համար անհրաժեշտ է դիմել Միգրացիայի և քաղաքացիության ծառայության ցանկացած տարածքային ստորաբաժանում, իսկ օտարերկրյա պետություններում` ՀՀ դիվանագիտական ներկայացուցչություններ կամ հյուպատոսական հիմնարկ:

Պահանջվող փաստաթղթերը

Առաջին անգամ անձնագիր ստանալու համար դիմումատուն դիմումին կից անձամբ ներկայացնում է`

• ծննդյան վկայական կամ մինչև 16 տարին լրանալը ստացած անձնագիր,
• 35 x 45 մմ չափսի երկու լուսանկար (գունավոր),
• առկայության դեպքում՝ այլ փաստաթղթեր։

16 տարին չլրացած անձի ծնողներից մեկը կամ օրինական ներկայացուցիչը 16 տարին չլրացած անձի անձնագիր ստանալու կամ փոխանակելու համար դիմումին կից ներկայացնում է`

• ծննդյան վկայական կամ մինչև 16 տարին լրանալն ստացած անձնագիր,
• 35x45 մմ չափսի երկու լուսանկար (գունավոր),
• ծնողների ամուսնության վկայական, իսկ համապատասխան դեպքերում՝ մահվան, հայրության ճանաչման վկայականները, կամ միայնակ մայր լինելու մասին տեղեկանք, կամ օրենքով սահմանված կարգով անհայտ բացակայող, կամ մահացած ճանաչվելու վերաբերյալ դատարանի` օրինական ուժի մեջ մտած վճիռը:

Ժամանակավոր պաշտպանություն ստացած փախստականի անձնագիրը կարող է փոխանակվել դրանում պարունակվող տեղեկությունները փոխելու, գրառումներում անճշտություններ հայտնաբերելու, անձնագիրն օգտագործման համար ոչ պիտանի լինելու, ինչպես նաև այն դեպքերում, երբ՝

• քաղաքացին փոխել է բնակչության պետական ռեգիստրում իր վերաբերյալ գոյություն ունեցող տվյալները,
• լրացել են մուտքի վիզաները փակցնելու համար նախատեսված անձնագրի էջերը,
• լրացել է անձնագրի վավերականության ժամկետը,
• անձնագրի մեջ առկա են ոչ ճիշտ տվյալներ,
• քաղաքացին նման ցանկություն է հայտնել։

Անձնագիրը փոխանակելու համար անձը դիմումին կից ներկայացնում է`

• փոխանակման ենթակա անձնագիր,
• 35 x 45 մմ չափսի երկու լուսանկար (գունավոր),
• փաստաթղթում որևէ տեղեկություն փոխելու կամ գրառումներում անճշտություններ հայտնաբերելու դեպքում` նաև իրավասու մարմնի կողմից տրված փոփոխությունը կամ անճշտությունը հավաստող փաստաթուղթ, եթե այդ տեղեկություններն առկա չեն ծառայության վարվող շտեմարանում։

Տպագրված անձնագիրը անձը ստանում է անձամբ կամ ներկայացուցչի միջոցով:

Պահանջվող փաստաթղթերը

Դիմում-հարցաթերթին կից անհրաժեշտ է ներկայացնել․

• օտարերկրյա պետության կողմից տրված վավեր անձնագիր և դրա պատճենը,
• 35 x 45 մմ չափի 6 լուսանկար (գունավոր),
• ծննդյան վկայականը և դրա պատճենը՝ նոտարական կարգով վավերացված և հայերեն թարգմանությամբ,
• ամուսնության վկայականը և դրա պատճենը, ամուսնու անձնագրի պատճենը և դրա օրենքով սահմանված նոտարական հայերեն թարգմանությունը,
• ծնողի՝ ՀՀ քաղաքացու անձնագիրը և դրա պատճենը կամ ՀՀ քաղաքացիությունը հավաստող այլ փաստաթուղթ,
• պետական տուրքի վճարումը հավաստող փաստաթուղթը։

Վճարման չափը և կարգը

Անձնագիրը առավել սեղմ ժամկետում ստանալու համար սահմանված են հետևյալ արժեքները՝ 
3000+20 000 դրամ՝ փաստաթուղթը 1 աշխատանքային օր հետո  ստանալու համար,
3000+10 000 դրամ՝ դիմումը հանձնելուն հաջորդող 3-րդ աշխատանքային օրը:

Այս դեպքում վճարումը հնարավոր է կատարել միայն ՆԳՆ ՄՔԾ ստորաբաժանումում՝ վճարային կամ պոս տերմինալների միջոցով։

Տրամադրման կարգն ու ժամկետը

• ժամանակավոր պաշտպանությունը տրվում է մեկ տարի ժամկետով՝ երկարաձգման հնարավորությամբ։
• Ժամանակավոր պաշտպանություն ստացած յուրաքանչյուր ոք իրավունք ունի ստանալու ՀՀ քաղաքացիություն։
  
  

Հղում օրենսդրությանը

• ՀՀ կառավարության՝ 2023 թվականի հոկտեմբերի 26-ի N 1864-Ն որոշում
• ՀՀ կառավարության՝ 2024 թվականի հոկտեմբերի 17 N 1649-Ն որոշում
• «Քաղաքացիության մասին» ՀՀ օրենք
• «Պետական տուրքի մասին» ՀՀ օրենք

Իրավական ակտերը հնարավոր է գտնել arlis.am-ում: