Ուշադրություն
Անչափահասի դեպքում վերջինիս ՀՀ քաղաքացիություն ստանալու դիմումը ներկայացնում է ծնողը։

Ներկայացվող պահանջները

ՀՀ քաղաքացիություն ստանալու համար անհրաժեշտ է՝

• լինել Արցախից բռնի տեղահանված անձ:

Պահանջվող փաստաթղթերը

ՀՀ քաղաքացիություն ստանալու համար տեղում կլրացվի դիմում, որին կից անհրաժեշտ է ներկայացնել՝

• ծննդյան վկայականը,
• ժամանակավոր պաշտպանության վկայագիրը, ՀՀ անձնագիրը (070 ծածկագրով), 
• ամուսնության վկայականը (առկայության դեպքում) և դրա պատճենը,
• փաստաթուղթ անձնական տվյալների փոփոխություն կատարելու վերաբերյալ, եթե անձը նման փոփոխություն կատարել է,
• 35 x 45 մմ չափսի 6 լուսանկար,
• պետական տուրքի վճարման անդորրագիրը,
• 1981 թվականի նոյեմբերի 28-ից հետո ծնված անձինք պետք է ներկայացնեն նաև ծնողների անձը հաստատող փաստաթղթերը, այդ թվում՝ ծնողների ամուսնության կամ հայրության ճանաչման վկայականը կամ միայնակ մայր հանդիսանալու վերաբերյալ տեղեկանքը կամ մահվան վկայականը կամ դրանց պատճենները։

Անչափահասի դեպքում անհրաժեշտ է ներկայացնել հետևյալ փաստաթղթերը՝

• ծննդյան վկայականը,
• ծնողների գրավոր համաձայնությունը, եթե ծնողներից միայն մեկն է ՀՀ քաղաքացի,
• ծնողների ամուսնության վկայականը, մահվան վկայականը, հայրության ճանաչման վկայականը կամ միայնակ մայր լինելու մասին տեղեկանք կամ անհայտ բացակայող կամ մահացած ճանաչվելու վերաբերյալ դատարանի վճիռը,
• ծնողների անձը հաստատող փաստաթուղթը,
• 35 x 45 մմ չափսի 2 լուսանկար,
• պետական տուրքի վճարման անդորրագիրը։

Վճարման չափը և կարգը

ՀՀ քաղաքացիություն ստանալու համար դիմելիս անհրաժեշտ է վճարել 1,000 դրամ։

Տրամադրման ժամկետը և կարգը

Արցախցիներին ՀՀ քաղաքացիություն շնորհվում է պարզեցված կարգով՝ դիմելուց հետո 1-2 ամսվա ընթացքում։ Այդ մասին անձին տեղեկացվում է SMS հաղորդագրության միջոցով։

Այնուհետև անհրաժեշտ է կրկին դիմել Միգրացիայի և քաղաքացիության ծառայություն՝ ՀՀ քաղաքացու անձնագիր ձեռք բերելու համար։

Հղում օրենսդրությանը

«Պետական տուրքի մասին» ՀՀ օրենք

Օրենքը հնարավոր է գտնել arlis.am-ում։