Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

• ացնել նույնականացում և «Դիմորդի էջում» լրացնել պահանջվող տվյալները և դաշտերը,
• ընտրել որսամիջոցի տեսակը (ձկնորսական կարթեր կամ խեցգետնորսիչներ, հնարավոր է ընտրել 2 տեսակը միաժամանակ) և ձկնատեսակը՝ օրական թույլատրված քանակով,
• ստուգել ներկայացված տվյալները, վճարել և հանձնել հայտը։
  
  

Ներկայացվող պահանջները

Սիրողական ձկնորսությամբ զբաղվող անձը կարող է․

• միաժամանակ ունենալ երկու որսամիջոց (կարթ)՝ յուրաքանչյուրը ոչ ավելի, քան 2 կեռիկով,
• խեցգետնի որսը իրականացնել առավելագույնը 3 խեցգետնորսիչով՝ մինչև 70սմ տրամագծով և 22 մմ-ից ոչ պակաս ճեղքերով,
• ստորջրյա որսը պետք է իրականացնի մասնագիտական զենքով (լարվող միայն ձեռքի ուժով)՝ հարպունի լայնությունը ոչ ավելի, քան 10սմ,
• ստորջրյա որսի ժամանակ պետք է իրեն ամրացնի հատուկ լողակ (բույ)։
  
  

Պահանջվող տվյալները

• մարզ, 
• որսամիջոց, 
• օգտագործման ժամանակահատված, 
• ձկնատեսակի անվանում (տեսակը), քանակ (կգ)։
  
  

Վճարման չափը և կարգը

• Թույլտվություն ստանալու համար անհրաժեշտ է վճարել 1,000 դրամ պետական տուրք։
• Բացի պետական տուրքից՝ անհրաժեշտ է վճարել նաև ձկորսության համար, որի վճարը կախված է ձկնորսության օրերի քանակից, ձկնատեսակից և քաշից։
  
  

Տրամադրման ժամկետը և կարգը

• Հայտը պետք է ներկայացնել ՀՀ շրջակա միջավայրի նախարարության կողմից սահմանած որսաշրջանի ընթացքում։
• Առցանց կնքված պայմանագիրը հայտատուին տրամադրվում է հայտը ներկայցնելուց հետո 15 աշխատանքային օրվա ընթացքում էլեկտրոնային փոստի միջոցով։
  
  

Հղում օրենսդրությանը

• ՀՀ կառավարության՝ 2023 թվականի օգոստոսի 24-ի N 1429-Ն որոշում
• ՀՀ Բնապահպանության՝ նախարարի 2009 թվականի հունվարի 15-ի N 9-Ն որոշում
• «Որսի և որսորդական տնտեսության վարման մասին» ՀՀ օրենք
• ՀՀ Բնապահպանության նախարարի՝ 2019 թվականի փետրվարի 12-ի N 33-Ն հրաման

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։