Ինչպե՞ս դիմել

Աջակցություն ստանալու համար անհրաժեշտ է «Շարունակել» կոճակը սեղմելուց հետո.

• գրանցվել e-work.am հարթակում,
• նշել «Զբաղվածության ծրագրեր և դիմումներ» → «ԼՂ ինքնազբաղվածության ծրագիր» բաժինը,
• տալ համաձայնություն անձնական տվյալների մշակման համար,
• ընտրել Միասնական սոցիալական ծառայության տարածքային կենտրոնը,
• հաստատել հայտը։

Յուրաքանչյուր ամսվա վերջին աշխատանքային օրը ձևավորվում է մասնակիցների ցուցակը, որը փոխանցվում է մասնագիտացված կազմակերպություններին։

Ծրագրի մասին

Աջակցությունն իրականացվում է հետևյալ ուղղություններով.

• ուսուցում և մշակում՝ բիզնես դասընթացներ և անհատական գործարար ծրագրի կազմում,
• 12-ամսյա բիզնես ուղեկցում՝ գործնական խորհրդատվություն հարկերի, կառավարման, մարքեթինգի, վաճառքի կազմակերպման և AI գործիքների ներդրման հարցերում,
• ֆինանսավորում՝ դրամաշնորհների տրամադրում հաստատված բիզնես ծրագրերի իրականացման համար:
  
  

Ներկայացվող պահանջները

Շահառու կարող են դառնալ այն անձինք, որոնք.

• hանդիսանում են Ղարաբաղից տեղահանվածների բնակարանային ապահովման պետական ծրագրերի շահառու և օգտագործել են տրամադրված հավաստագիրը,
• վերջին 3 ամսվա ընթացքում չեն եղել հարկ վճարող և չեն ունեցել գրանցված աշխատանք,
• նախկինում չեն օգտվել տվյալ ծրագրից (մեկ ընտանիքից կարող է դիմել միայն մեկ անդամ),
• աջակցության ծրագրի շրջանակում պայմանագիր կնքեուց հետո 10 աշխատանքային օրվա ընթացքում պետք է կատարի անհատ ձեռնարկատիրության պետական գրանցում (ԱՁ)։
  
  

Պահանջվող տվյալները

Հարթակում ինքնաշխատ եղանակով հավաքագրվում կամ լրացվում են.

• անուն, ազգանուն, հայրանուն։
• հեռախոսահամար և էլեկտրոնային փոստի հասցե։
• ինքնակենսագրական (առկայության դեպքում)։
• տվյալների համադրում բնակարանային աջակցության և հարկային մարմինների շտեմարանների հետ։
  
  

Աջակցության չափը

Աջակցության շահառուին տրամադվրում է 3 փուլով․

• առաջին փուլ - առավելագույնը 2,000,000 դրամ՝ բիզնեսի մեկնարկի համար,
• երկրորդ փուլ - բիզնես գործունեության մեկ տարին լրանալուց հետո,
• երրորդ փուլ - մինչև 1,000,000 դրամ լրացուցիչ փոխհատուցում սարքավորումների ձեռքբերման համար, եթե բիզնեսի տարեկան շրջանառությունը կազմում է 3,000,000 դրամ։

Տրամադրման կարգը

• Կազմակերպությունները 5 աշխատանքային օրվա ընթացքում ընտրում են մասնակիցներին՝ ըստ նրանց ձեռնարկատիրական կարողությունների։
• Իրականացվում է ուսուցում և մշակվում է գործարար ծրագիր։
• Ծրագիրը հաստատվելուց հետո 3 օրում կնքվում է դրամաշնորհի պայմանագիր։
• 10 աշխատանքային օրվա ընթացքում ապահովվում է բիզնեսի պետական գրանցումը (ԱՁ կամ ՍՊԸ)։
• Գումարի 50%-ը (կամ 70%-ը՝ սարքավորումների գնման փաստաթղթի առկայությամբ) փոխանցվում է 7 օրվա ընթացքում։ Մնացած մասը փոխանցվում է գործունեության 1 տարին լրանալուց հետո։
• 1,5 տարի անց իրականացվում է գործունեության շարունակականության ստուգում՝ լրացուցիչ փոխհատուցումը տրամադրելու համար։
  
  

Հղում օրենսդրությանը

ՀՀ կառավարության՝ 2025 թվականի դեկտեմբերի 25-ի N 1955-Լ որոշում 

Որոշումը հնարավոր է գտնել arlis.am-ում (անհրաժեշտ է գտնել ակտի վերջին տարբերակը)։