Ծրագրի մասին 

Երիտասարդ գիտնականներին աջակցության ծրագրի շրջանակում կարող է տրամադրվել մինչև 100 միլիոն ՀՀ դրամի չափով ֆինանսական աջակցություն՝ հետևյալ ուղղություններով.

• երիտասարդ գիտնականների միջազգային գիտական գործուղումների և շարժունակության ծրագրեր,
• գիտական միջոցառումների կազմակերպում,
• գիտական դրամաշնորհների տրամադրում,
• գիտական միջազգային հրապարկումների որակական և քանակական աճին նպաստող ծրագրերի կազմակերպում,
• օտարերկրյա պետությունների անվանի գիտնականների դասախոսությունների կազմակերպում,
• գիտության ոլորտում երիտասարդների ներգրավման կամ առաջընթացին միտված այլ ծրագրեր:
  
  

Ներկայացվող պահանջները 

Ծրագրերին դիմելու անհրաժետ է լինել գիտահետազոտական աշխատանք կատարող գիտնական, որը՝

• ՀՀ քաղաքացի է կամ առնվազն մեկ տարի մշտապես բնակվում է ՀՀ-ում,
• հայտերի ընդունման վերջնաժամկետի օրը նրա 36 տարին չի լրացել (դիմողի՝ երեխա ունենալու հանագմանքից կախված տարիքային շեմը ենթակա է վերանայման․յուրաքանչյուր երեխայի համար տրվում է լրացուցիչ 1 տարի, իսկ ՀՀ զինված ուժերում պարտադիր զինվորական ծառայություն անցած տղամարդկիկ կարող են դիմել մինչեւ 38 տարեկանը ներառյալ):