Ծրագիր մասին

Դպրոցներում ուսուցումն իրականացվում է արևելահայերենով։ Անգլերենն ու ռուսերենը դասավանդվում են բոլոր պետական դպրոցներում։ Որոշ դպրոցներում առաջարկվում են նաև գերմաներեն, ֆրանսերեն և չինարեն։

Հայաստանում կան բազմաթիվ մասնավոր մանկապարտեզներր և դպրոցներ, որոնք ունեն օտար լեզուներով և միջազգային ծրագրերի հետ կապված ուսուցում։ Մասնավոր հաստատություններում ուսման վարձի չափը տարբեր է։

Ներկայացվող պահանջները

Առաջին դասարան ընդունվելու համար

• Ունենալ Հայաստանի Հանրապետությունում մշտական կամ հատուկ կացության կարգավիճակ 
• Երեխային հերթագրել դպրոցում առցանց եղանակով։

Ուշադրություն

Առցանց եղանակով երեխային դպրոց հերթագրելու համար անհրաժեշտ է լրացնել երեխայի և ծնողի Հնարային ծառայությունների համարանիշը (ՀԾՀ):

• Երեխայի ծնողը կամ օրինական ներկայացուցիչը պետք է դիմի դպրոց՝ անհրաժեշտ փաստաթղթերով։
• Պետք է հաշվառված լինել Հայաստանի Հանրապետության տարածքում։

Պահանջվող փաստաթղթերը

2-12-րդ դասարաններ ուսումնական հաստատությունում ընդունվելու համար անհրաժեշտ է դիմել համապատասխան դպրոց և ներկայացնել հետևյալ փաստաթղթերը՝

• Երեխայի ծննդյան վկայականը կամ անձնագիրը (պատճեններով)
• Տեղեկանք երեխայի հաշվառման մասին
• Երեխայի անձնական գործը՝ այն բոլոր փաստթղթերը, որոնք առկա են եղել նախորդ դպրոցում
• Ակադեմիական առաջընթացի տեղեկանք, որը ներկայացնում է երեխայի գնահատականների ցուցակն ըստ առարկաների: Եթե ուսումնական տարին դեռ չի ավարտվել, ընթացիկ բացակայությունների ցուցակը ևս պետք է ներկայացնել։
• 10-ից 12-րդ դասարան ընդունվողներին անհրաժեշտ է հիմնական կրթության վկայականի բնօրինակը
• Երեխայի 2 գունավոր լուսանկար (3x4 չափի)
• Տեղեկանք երեխայի առողջական վիճակի մասին (բժշկական հաստատությունից, որտեղ երեխան ստանում է բժշկական ծառայություններ)
• Լրացված դիմումի ձև տնօրենի անունով:

Ուշադրություն

Այն փաստաթղթերը, որոնք օտար լեզուներով են, պետք է թարգմանվեն հայերեն և վավերացվեն նոտարով: