Ֆինանսական աջակցություն ստանալու համար զինվորական հաշմանդամություն ունեցող նախկին զինծառայողը կամ զոհված զինծառայողի ընտանիքի անդամը դիմումին կից պահանջվող փաստաթղթերը պետք է ներկայացնեն այն գերատեսչություն, որտեղ ծառայել է զինծառայողը։

Գերատեսչությունների ցանկը ներկայացված է ուղեցույցում։

Ներկայացվող պահանջները

Միանվագ դրամական աջակցություն ստանալու համար կարող են դիմել․

• այն զինհաշմանդամները և զոհված զինծառայողի ընտանիքի անդամները, որոնք, տվյալ տարվա ընթացքում այս կամ այլ ծրագրով չեն ստացել ֆինանսական աջակցություն, 
• այն զինծառայողները, որոնք գիտակցաբար չեն ստացել հաշմանդամություն՝ խախտելով օրենքը,
• այն ընտանիքի անդամը, որի զինծառայողը հուղարկավորված է «Եռաբլուր» պանթեոնում և այլ եղբայրական գերեզմանոցներում։
  
  

Աջակցության չափը

Աջակցության չափը կախված է իրավիճակից և տատանվում է 100,000 դրամից մինչև 2,000,000 դրամ։ Յուրաքանչյուր իրավիճակի համար աջակցության չափը ներկայացված է ուղեցույցում։

Պահանջվող փաստաթղթերը

Բոլոր երեք դեպքերում դիմումին կից անհրաժեշտ է ներկայացնել․

• շահառուների անձնագրերը կամ նույնականացման քարտը,
• հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը,
• տեղեկանք բնակության վայրից,
• ամուսնության կամ ամունսալուծության վկայականը, ծննդյան վկայականները կամ դատական ակտերը (առկայության դեպքում),
• բանկային հաշվեհամար։

Հավելյալ փաստաթղթերի փաթեթը և յուրաքանչյուր դեպքի համար նախատեսված դիմումների ձևանմուշները ներկայացված են ուղեցույցում։