ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Գործարարություն և արդյունաբերություն

Նախքան պետական գրանցման համար դիմում ներկայացնելը՝ միացման ճանապարհով վերակազմակերպման պետական գրանցման համար պահանջվող փաստաթղթերի կազմում

ՀՀ արդարադատության նախարարության իրավաբանական անձանց պետական ռեգիստրի կողմից միացման ճանապարհով վերակազմակերպման պետական գրանցման համար պահանջվող փաստաթղթերի կազմում։
Այս ծառայությունը հասանելի է միայն ֆիզիկապես, մենք աշխատում ենք առցանց տարբերակի ստեղծման ուղղությամբ։
Ո՞վ կարող է դիմել
ՀՀ քաղաքացիներ և օտարերկրյա քաղաքացիներ
Դիմելու տևողությունը
10-15 րոպե
Ծառայության արժեքը
170,000 ՀՀ դրամ
Տրամադրման տևողությունը
Մինչև 20 աշխատանքային օր

Դիմելու եղանակը՝

Փաստաթղթերի կազմման համար համապատասխան դիմումը անձամբ ներկայացվում է գործակալություն,  իսկ փաստաթղթերի կազմման համար անհրաժեշտ բոլոր տեղեկությունները (ցանկը և ներկայացման ձևաչափը տրամադրվում է գործակալության կողմից) նախօրոք ուղարկվում է գործակալության կողմից տրամադրված էլեկտրոնային փոստի հասցեին և (կամ) ներկայացվում է փաստաթղթային եղանակով:

Անհրաժեշտ փաստաթղթերի ցանկը՝

Նախքան պետական գրանցման համար դիմում ներկայացնելը՝ միացման ճանապարհով վերակազմակերպման պետական գրանցման համար պահանջվող փաստաթղթեր կազմելու համար ներկայացվում է՝
       1. դիմում, որը պետք է ներառի անհրաժեշտ տեղեկություններ միացման ճանապարհով վերակազմակերպման պետական գրանցման փաստաթղթեր կազմելու համար, ծառայության մատուցման ժամկետի և վճարի չափի մասին:
        2. վճարի կատարումը հավաստող փաստաթուղթ:

Ժամկետները՝

Նախքան պետական գրանցման համար դիմում ներկայացնելը՝ միացման ճանապարհով վերակազմակերպման պետական գրանցման համար պահանջվող փաստաթղթերի կազմումն իրականացվում է իրավաբանական անձանց պետական ռեգիստր անհրաժեշտ բոլոր փաստաթղթերը ներկայացնելուց և նույն օրը փաստաթղթերի ընդունման մատյանում գրառում կատարելուց հետո՝
ա/ երկու կազմակերպությունների միացման դեպքում՝ 20 աշխատանքային օրվա ընթացքում.
բ/ յուրաքանչյուր լրացուցիչ կազմակերպության դեպքում՝ ևս 7 աշխատանքային օր:

Վճարման եղանակը՝

Անկանխիկ՝
• Բանկային փոխանցման միջոցով,
• Վճարային տերմինալի միջոցով,
• E-Payments Պետական վճարումների էլեկտրոնային համակարգի միջոցով.
Անհրաժեշտ է վճարումն իրականացնել ՀՀ արդարադատության նախարարության արտաբյուջեի հաշվեհամարին՝ 9000013194049


Նպատակ դաշտում նշելով՝

Նախքան պետական գրանցման համար դիմում ներկայացնելը՝ միացման ճանապարհով վերակազմակերպման պետական գրանցման համար պահանջվող փաստաթղթերի կազմման համար
Վճարման չափը համապատասխանաբար՝

170,000 ՀՀ դրամ՝ երկու կազմակերպությունների միացման դեպքում
80,000 ՀՀ դրամ՝ յուրաքանչյուր լրացուցիչ կազմակերպության դեպքում

Ծառայությունը ստանալու հիմքերը՝

Նախքան պետական գրանցման համար դիմում ներկայացնելը՝ միացման ճանապարհով վերակազմակերպման պետական գրանցման համար պահանջվող փաստաթղթերի կազմման ծառայությունը ստանալու հիմք է անձի կողմից ներկայացված դիմումը:

Ծառայության մատուցումը մերժելու հիմքերը՝

Անհրաժեշտ տեղեկությունները չներկայացնելու կամ տևական ժանամակ բազմակի անգամներ միմյանց հակասող, ոչ ստույգ տեղեկություններ ներկայացնելու դեպքում, որն անհնարին է դարձնում փաստաթղթերի պատշաճ կազմումը:
Տեխնիկական աջակցության համար՝

Աշխատանքային ժամեր`
10:00 - 18:00

Հեռախոսահամար`

0-8000-2020, 

+(374) 10-58-59-80

Ծառայությունը մատուցող՝
ՀՀ արդարադատության նախարարություն
Այս էջը օգտակա՞ր էր