ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Գործարարություն և արդյունաբերություն

Առևտրային կազմակերպությունների լուծարման պետական գրանցում կատարելու համար անհրաժեշտ փաստաթղթերի կազմում

ՀՀ կառավարության 2011 թվականի հունիսի 2-ի «Իրավաբանական անձանց պետական գրանցման, քաղաքացիական կացության ակտերի գրանցման եվ ապոստիլ դնելու, շարժական գույքի նկատմամբ ապահովված իրավունքների գրանցման հետ կապված լրացուցիչ վճարովի ծառայությունների ցանկը եվ վճարների չափերը հաստատելու, Հայաստանի Հանրապետության արդարադատության նախարարությանն արտաբյուջետային հաշիվ բացելու թույլտվություն տալու մասին» N 860-ն որոշման սահմանված կարգով ՀՀ արդարադատության նախարարության իրավաբանական անձանց պետական ռեգիստրի գործակալության կողմից իրականացվում է` առևտրային կազմակերպությունների լուծարման պետական գրանցում կատարելու համար անհրաժեշտ փաստաթղթերի և տեղեկությունների հավաքագրում, փաստաթղթերի կազմում
Այս ծառայությունը հասանելի է միայն ֆիզիկապես, մենք աշխատում ենք առցանց տարբերակի ստեղծման ուղղությամբ։
Ո՞վ կարող է դիմել
Իրավաբանական անձինք
Դիմելու տևողությունը
10-15 րոպե
Ծառայության արժեքը
30,000 ՀՀ դրամ
Տրամադրման տևողությունը
Մինչև 10 աշխատանքային օր

Դիմելու եղանակը՝

ՀՀ արդարադատության նախարարության իրավաբանական անձանց պետական ռեգիստրի գործակալությունում շահագրգիռ անձը լրացնում է դիմում` գրառում ծառայության մատուցման համար անհրաժեշտ տեղեկություններ, տրամադրում անհրաժեշտ փաստաթղթեր, կցում ծառայության մատուցման համար սահմանված չափով վճարման անդորրագիր:

Անհրաժեշտ փաստաթղթերի ցանկը՝

Անձը ծառայությունից օգտվելու համար ՀՀ արդարադատության նախարարություն իրավաբանական անձանց պետական ռեգիստրի գործակալություն է ներկայացնում`
• դիմում, որում նշվում է դիմողի անունը, ազգանունը (հայրանունը), բնակության վայրը, հեռախոսահամարը (դրա առկայության դեպքում).
• պահանջվող անձանց անձնագրերի պատճենները.
• ոչ ռեզիդենտ ֆիզիկական անձի դեպքում նոտարական կարգով վավերացված անձնագրի թարգմանությունը.
• ոչ ռեզիդենտ իրավաբանական անձի դեպքում հիմնադիր փաստաթղթերի նոտարական կարգով վավերացված թարգմանությունները.
• արտաբյուջետային վճարման անդորրագիր.

Ժամկետները՝

ՀՀ արդարադատության նախարարության իրավաբանական անձանց պետական ռեգիստրի գործակալության կողմից առևտրային կազմակերպությունների լուծարման պետական գրանցում կատարելու համար փաստաթղթերի կազմումը` 10 աշխատանքային օր է

Վճարման եղանակը՝

Անկանխիկ
• Բանկային փոխանցման միջոցով,
• Վճարային տերմինալի միջոցով,
• E-Payments Պետական վճարումների էլեկտրոնային համակարգի միջոցով.
Անհրաժեշտ է վճարումն իրականացնել ՀՀ արդարադատության նախարարության արտաբյուջեի հաշվեհամարին՝ 900013194049 


Վճարման չափը՝
30.000 ՀՀ դրամ


Նպատակ դաշտում նշելով՝
Առևտրային կազմակերպությունների լուծարման պետական գրանցման համար անհրաժեշտ փաստաթղթերի կազմում

Ծառայության մատուցումը մերժելու հիմքերը՝

Առևտրային կազմակերպության լուծարման պետական գրանցման համար փաստաթղթերի կազմման ծառայությունը մերժվում է, եթե`
ա) ներկայացված փաստաթղթերը չեն բխում Հայաստանի Հանրապետության օրենսդրության պահանջներից.
բ) փաստաթուղթը ներկայացվել է պահանջների խախտմամբ.
գ) ոչ ռեզիդենտ ֆիզիկական կամ իրավաբանական անձի համար պահանջվող փաստաթղթերի թարգմանությունները նոտարական կարգով վավերացված չեն.
դ) գրանցամատյանում առկա է սահմանափակումների կիրառման գրառում:
Նշված հիմքերով ծառայության մատուցումը մերժվում է անմիջապես` դիմումը տալու պահին.
Ծառայությունը մերժելու դեպքում դիմողին հետ է վերադարձվում ծառայություն մատուցելու համար ներկայացված փաստաթղթերը և վճարման անդորրագիրը:
Տեխնիկական աջակցության համար՝

Աշխատանքային ժամեր`
10:00 - 18:00

Հեռախոսահամար`
0-8000-2020,
(+374 10) 58-59-80

Ծառայությունը մատուցող՝
ՀՀ արդարադատության նախարարություն
Այս էջը օգտակա՞ր էր