Ինչպե՞ս դիմել

Ընտանեկան կարգավիճակի մասին տեղեկանք ստանալու համար «Շարունակել» կոճակը սեղմելուց հետո անհրաժեշտ է՝

• նույնականացումից հետո լրացնել պահանջվող տվյալները (անունն ու ազգանունն անհրաժեշտ է լրացնել հայատառ, ինչպես գրված է անձնագրում),
• «Ստուգվող անձի տվյալներ» էջում լրացնել պահանջվող տեղեկատվությունը,
• «Լրացուցիչ տեղեկություններ» էջում վերբեռնել պահանջվող փաստաթղթերը և լրացնել հաջորդող դաշտերը՝ ամուսնալուծված լինելու դեպքում կցելով ամուսնալուծության վկայականը, իսկ այրի լինելու դեպքում՝ ամուսնության վկայականը և կնոջ կամ ամուսնու մահվան վկայականը,
• բացվող էջում ընտրել երկիրը, որտեղ ներկայացվելու է տեղեկանքը, տեղեկանքի նախընտրելի լեզուն և ապոստիլով վավերացնելու կարիքը,
• կատարել վճարումը։

Ուշադրություն
Օտարերկրյա պետությունների կողմից տրամադրված կցվող փաստաթղթերը պետք է լինեն ապոստիլով հաստատված կամ հյուպատոսական վավերացմամբ: Օտար լեզվով կազմված կցվող փաստաթղթերը պետք է լինեն հայերեն թարգմանությամբ՝ նոտարական կարգով հաստատված կամ լիցենզավորված թարգմանչի կնիքով։

Պահանջվող փաստաթղթերը

Անձամբ դիմելու դեպքում՝

• դիմում,
• անձը հաստատող փաստաթուղթ (անձնագիր կամ նույնականացման քարտ),
• նախկինում ամուսնացած լինելու դեպքում՝ ամուսնության դադարման փաստը հավաստող փաստաթուղթ,
• պետական տուրքի վճարման անդորրագիր:

Լիազորված անձի միջոցով դիմելու դեպքում՝

• դիմում,
• լիազորված անձի անձը հաստատող փաստաթուղթ (անձնագիր կամ նույնականացման քարտ),
• դիմողի անձը հաստատող փաստաթղթի պատճենը,
• դիմողի կողմից տրված լիազորագիրը (առանց նոտարական վավերացման),
• տեղեկանք ստացողի՝ նախկինում ամուսնացած լինելու դեպքում՝ ամուսնության դադարման փաստը հավաստող փաստաթուղթ,
• պետական տուրքի վճարման անդորրագիր:

Որոշ դեպքերում կարող են պահանջվել հավելյալ փաստաթղթեր, մասնավորապես՝

• ամուսնալուծված լինելու դեպքում՝ ամուսնալուծության վկայականը,
• ամուսնու մահվան դեպքում՝ մահվան վկայականը։
  
  

Ուշադրություն
Օտարերկրյա պետությունների կողմից տրամադրված փաստաթղթերը պետք է ներկայացվեն ապոստիլով հաստատված կամ հյուպատոսական վավերացմամբ: Օտար լեզվով կազմված փաստաթղթերը պետք է ներկայացվեն հայերեն թարգմանությամբ` նոտարական կարգով հաստատված կամ լիցենզավորված թարգմանչի կնիքով։

Վճարման չափը և կարգը

• Ամուսնական կարգավիճակի մասին տեղեկանքը հայերեն տրամադրելու համար վճարվող պետական տուրքը 10,000 դրամ է։
• Երկլեզու՝ հայերեն-անգլերեն տեղեկանք տրամադրելու համար պետական տուրքը 15,000 դրամ է՝ ներառյալ թարգմանությունը։
• Երկլեզու՝ հայերեն-ռուսերեն տեղեկանք տրամադրելու համար պետական տուրքը 15,000 դրամ է՝ ներառյալ թարգմանությունը։

Ամուսնության բացակայության վերաբերյալ պետական տուրքի վճարման հաշվեհամարն է 900005165213, լրացուցիչ վճարումների հաշվեհամարն է՝ 900013001244 (եթե բանկային հավելվածում չի ստացվում ուղիղ փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը): 

ՀՀ-ում վճարումը կատարվում է գրասենյակում տեղադրված տերմինալների միջոցով։

Տրամադրման ժամկետը և կարգը

Տեղեկանքը տրամադրվում է 1 աշխատանքային օրվա ընթացքում։ Այն ստանալու համար անհրաժեշտ է այցելել Արդարադատության նախարարություն (հասցե՝ Երևան 0010, Վազգեն Սարգսյան 3/8)։

Տեղեկանքը ապոստիլով վավերացված տարբերակով ստանալու համար տրամադրման ժամկետը կազմում է 3 աշխատանքային օր։ 

Հղում օրենսդրությանը

• «Պետական տուրքի մասին» ՀՀ օրենք
• ՀՀ կառավարության՝ 2021 թվականի հոկտեմբերի 8-ի N 495-Ն որոշում

Իրավական ակտերը հնարավոր է գտնել arlis.am-ում (անհրաժեշտ է կարդալ ակտերի վերջին տարբերակները)։