Ընտանեկան կարգավիճակի մասին տեղեկանք ստանալու համար անհրաժեշտ է այցելել ՀՀ արդարադատության նախարարություն (հասցե՝ Երևան 0010, Վազգեն Սարգսյան 3/8)՝ ներկայացնելով պահանջվող փաստաթղթերը։

Պահանջվող փաստաթղթերը

Անձամբ դիմելու դեպքում՝

• դիմում,
• անձը հաստատող փաստաթուղթ (անձնագիր կամ նույնականացման քարտ),
• պետական տուրքի վճարման անդորրագիր:

Լիազորված անձի միջոցով դիմելու դեպքում՝

• դիմում,
• լիազորված անձի անձը հաստատող փաստաթուղթ (անձնագիր կամ նույնականացման քարտ),
• դիմողի անձը հաստատող փաստաթղթի պատճենը,
• դիմողի կողմից տրված լիազորագիրը (առանց նոտարական վավերացման),
• դիմողի գրավոր հայտարարությունն իր ամուսնության արգելքների բացակայության և սուտ տեղեկություններ տալու պատասխանատվության մասին տեղեկացված լինելու վերաբերյալ,
• պետական տուրքի վճարման անդորրագիր:

Որոշ դեպքերում կարող են պահանջվել հավելյալ փաստաթղթեր, մասնավորապես՝

• ամուսնալուծված լինելու դեպքում՝ ամուսնալուծության վկայականը,
• ամուսնու մահվան դեպքում՝ մահվան վկայականը։
  
  

Ուշադրություն
Օտարերկրյա պետությունների կողմից տրամադրված փաստաթղթերը պետք է ներկայացվեն ապոստիլով հաստատված կամ հյուպատոսական վավերացմամբ: Օտար լեզվով կազմված փաստաթղթերը պետք է ներկայացվեն հայերեն թարգմանությամբ։

Վճարման չափը և կարգը

Տեղեկանքն ստանալու համար անհրաժեշտ է վճարել 10,000 դրամ։ Տեղեկանքը նաև ռուսերեն կամ անգլերեն թարգմանությամբ ստանալու համար անհրաժեշտ է վճարել հավելյալ 5,000 դրամ, իսկ ապոստիլով վավերացմամբ ստանալու համար՝ հավելյալ 7,000 դրամ։

ՀՀ-ում վճարումը կատարվում է գրասենյակում տեղադրված տերմինալների միջոցով։

Տրամադրման ժամկետը և կարգը

Տեղեկանքը տրամադրվում է 1 աշխատանքային օրվա ընթացքում։ Այն ստանալու համար անհրաժեշտ է այցելել Արդարադատության նախարարություն (հասցե՝ Երևան 0010, Վազգեն Սարգսյան 3/8)։

Հղում օրենսդրությանը

• «Պետական տուրքի մասին» ՀՀ օրենք
• ՀՀ կառավարության՝ 2016 թվականի նոյեմբերի 18-ի N 1215-Ն որոշում

Իրավական ակտերը հնարավոր է գտնել arlis.am-ում։