Հաշվապահների որակավորման քննությունների անցկացման նպատակով ՀՀ ֆինանսների նախարարի կողմից ստեղծվում է հաշվապահների որակավորման հանձնաժողով, որը համագործակցում է ՀՀ ֆինանսների նախարարության համապատասխան ստորաբաժանման հետ։ 

Քննություններն անցկացվում են պարբերաբար, սակայն ոչ ուշ, քան 2 ամիսը 1 անգամ, եթե ստացվել է առնվազն 1 դիմում:

Դիմելու համար անհրաժեշտ է՝

• ունենալ բարձրագույն տնտեսագիտական կրթություն, կամ
  
• ունենալ բարձրագույն կրթություն և առնվազն 18 ամսվա մասնագիտական աշխատանքի փորձ, կամ
• ունենալ ընդհանուր (լրիվ) միջնակարգ կրթություն կամ միջին մասնագիտական կրթություն (տեխնիկում, քոլեջ և այլն) և 3 տարվա մասնագիտական աշխատանքային փորձ, կամ
• դիմում ներկայացնելու օրվա դրությամբ աշխատել հրապարակվող ֆինանսական հաշվետվություններ ներկայացնող կազմակերպությունում՝ որպես գլխավոր հաշվապահ։

Պահանջվող փաստաթղթերը

• դիմում (դիմումի ձևը ներկայացված է ՀՀ ֆինանսների նախարարության պաշտոնական կայքում),
  
• դիպլոմի կամ ատեստատի պատճենը,
  
• աշխատանքային գրքույկից կատարված քաղվածքը կամ դրա պատճենը և (կամ) քաղաքացիաիրավական պայմանագրի պատճենը և պայմանագրի կատարումը հաստատող տեղեկանքը,
  
• 3x4 չափսի 2 լուսանկար,
  
• պետական տուրքի վճարման անդորրագիրը։

Վճարման չափը և կարգը

• E-payments համակարգի միջոցով,

• վճարային տերմինալի միջոցով,

• բանկային փոխանցման միջոցով․

Նպատակը՝ «հաշվապահների որակավորման քննությանը մասնակցելու համար» 
Վճարման եղանակը՝ Անկանխիկ
Վճարման չափը՝ 3,000 ՀՀ դրամ
ՀՀ պետական բյուջեի հաշվեհամարը՝ 900005163234 (եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը),

Հաշվապահի որակավորում ստանալու համար քննությունների վճարները ներկայացված են Հայաստանի աուդիտորների և փորձագետ հաշվապահների պալատի որոշման մեջ։ 

Տրամադրման ժամկետը և կարգը