Մասնագիտական աշխատանքներ են համարվում հաշվապահական հաշվառման, ֆինանսական, հարկային, աուդիտորական, տնտեսագիտական բնույթի, ինչպես նաև նշված բնագավառներում մեթադաբանի, փորձագետի, վերահսկիչի, խորհրդատուի, գիտական աշխատողի, դասախոսի, մասնագետի աշխատանքները:

Հաշվապահի որակավորման քննություններին մասնակցելու համար անհրաժեշտ է վճարել 3,000 ՀՀ դրամ պետական տուրք։

 

Վճարումն իրականացվում է հետևյալ եղանակներից մեկով՝

• E-payments համակարգի միջոցով,

• բանկային փոխանցման միջոցով ՀՀ պետական բյուջեի հաշվեհամարին՝ 900005163234։ Փոխանցման նպատակի դաշտում անհրաժեշտ է նշել «Աուդիտորի մասնագիտական որակավորումը հաստատող փաստաթղթի տրամադրման համար յուրաքանչյուր քննությունը ընդունելու համար» (եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը)։

• Դիմումներն ուսումնասիրվում են անհրաժեշտ փաստաթղթերը ներկայացնելու օրվանից սկսած՝ 5 աշխատանքային օրվա ընթացքում։
  
• Քննությունից առնվազն 7 աշխատանքային օր առաջ դիմողները տեղեկացվում են քննության անցկացման օրվա, ժամի և տեղի մասին։
• Քննությունն անցկացվում է համակարգչային ծրագրի միջոցով պատահական ընտրված թեստերից կազմված հարցաթերթիկներով և տևում է 2 ժամ։
• Քննությունից հետո 18 աշխատանքային օրվա ընթացքում ուսումնասիրվում են քննության արդյունքները, և ընդունվում է մասնակցին որակավորում շնորհելու կամ որակավորման տրամադրումը մերժելու մասին հրաման:
• Քննության արդյունքում որակավորված է համարվում այն մասնակիցը, որը քննություն հանձնելու արդյունքում հավաքել է առնվազն 55 միավոր:
• Վկայականը տրվում է 5 տարի ժամկետով։
• Վկայականը ստանալու համար անհրաժեշտ է այցելել ՀՀ ֆինանսների նախարարություն (hասցե` Մելիք-Ադամյան 1)։
  
  

Հղում օրենսդրությանը

• «Հանրային հատվածի կազմակերպությունների հաշվապահական հաշվառման մասին» ՀՀ օրենք
• ՀՀ ֆինանսների նախարարի` 2019 թվականի սեպտեմբերի 3-ի N 487-Ն հրաման
• «Պետական տուրքի մասին» ՀՀ օրենք