Ինչպե՞ս դիմել

Ընտրատեղամասը փոխելու համար անհրաժեշտ է նախ ներբեռնել և լրացնել հայտը՝ ուղարկելով այն ընտրությունների օրվանից առնվազն 12 օր առաջ։

«Շարունակել» կոճակը սեղմելուց հետո անհրաժեշտ է՝

• սեղմել «ուղարկել դիմում, հարցում կամ բողոք» կոճակը,
• մուտք գործել ԵսԵմ բջջային նույնականացմամբ,
• ընտրել «Դիմում»,
• ընտրել «Անհատ» կոճակը,
• ստացող մարմինը ընտրել «ՆԳՆ Միգրացիայի և քաղաքացիության ծառայություն»,
• «Դիմում» բաժնում գրել «Խնդրում եմ ընդունել իմ դիմումը կցված ըստ գտնվելու վայրի ընտրողների ցուցակում ընդգրկվելու վերաբերյալ» նախադասությունը,
• Սեղմել «Կցել ֆայլ» կոճակն ու ներբեռնել հայտը,
• գրել հեռախոսահամարը, որով հաստատվում է էլեկտրոնային ստորագրությունը,
• ուղարկել։

Ներկայացվող պահանջները

Ընտրատեղամասը փոխելու դիմում ներկայացնելու համար անհրաժեշտ է՝ 

• Ունենալ էլեկտրոնային ստորագրություն։
• Ունենալ առնվազն 6 ամիս վավերականության ժամկետով անձնագիր։

Ընտրատեղամասը փոխելու դիմում կարող են ներկայացնել անձինք, ովքեր՝ 

• Ընտրությունների օրը հաշվառված վայրի ընտրատեղամասում գտնվելու հնարավորություն չունեն։
• Ունեն տեղաշարժման (այդ թվում՝ հաշմանդամության հիմքով տեղաշարժման) խնդիրներ։ 
• Տեղամասային ընտրական հանձնաժողովի անդամ են։
• Տեխնիկական սարքավորումը սպասարկող մասնագետ են։ 

Պահանջվող փաստաթղթերը

Ընտրատեղամասը փոխելու դիմում ներկայացնելիս անհրաժեշտ է կցել՝

• հաշմանդամություն ունենալու հիմքով դիմելիս՝ դա հավաստող փաստաթուղթ։
• Այլ անձի անունից դիմում ներկայացնելու դեպքում` նոտարական վավերացմամբ հաստատված լիազորագիր:

Ուշադրություն
Հաշմանդամություն ունեցող անձինք էլեկտրոնային դիմում ներկայացնելիս կարող են չունենալ էլեկտրոնային ստորագրություն, եթե կցել են հաշմանդամություն ունենալու փաստը հավաստող փաստաթուղթը կամ դրա պատճենը։

Հղում օրենսդրությանը

• ՀՀ ընտրական օրենսգիրք սահմանադրական օրենք։
• ՀՀ Կենտրոնական ընտրական հանձնաժողովի 2025 թվականի մարտի 27-ի N 11-Ն որոշում։