Ինչպե՞ս դիմել

Ընտրատեղամասը փոխելու համար անհրաժեշտ է ընտրությունների օրվանից առնվազն 12 օր առաջ մոտենալ ՆԳՆ Միգրացիայի և քաղաքացիության ծառայություն և լրացնել դիմումը։

Ներկայացվող պահանջները

Ընտրատեղամասը փոխելու դիմում ներկայացնելու համար անհրաժեշտ է` 

• Ունենալ առնվազն 6 ամիս վավերականության ժամկետով անձնագիր։

Ընտրատեղամասը փոխելու դիմում կարող են ներկայացնել անձինք, ովքեր՝ 

• Ընտրությունների օրը հաշվառված վայրի ընտրատեղամասում գտնվելու հնարավորություն չունեն։
• Ունեն տեղաշարժման (այդ թվում՝ հաշմանդամության հիմքով տեղաշարժման) խնդիրներ։ 
• Տեղամասային ընտրական հանձնաժողովի անդամ են։
• Տեխնիկական սարքավորումը սպասարկող մասնագետ են։ 

Պահանջվող փաստաթղթերը

Ընտրատեղամասը փոխելու դիմում ներկայացնելիս անհրաժեշտ է կցել՝

• հաշմանդամություն ունենալու հիմքով դիմելիս՝ դա հավաստող փաստաթուղթ։ 
• Այլ անձի անունից դիմում ներկայացնելու դեպքում` նոտարական վավերացմամբ հաստատված լիազորագիր:

Հղում օրենսդրությանը

• ՀՀ ընտրական օրենսգիրք սահմանադրական օրենք։
• ՀՀ Կենտրոնական ընտրական հանձնաժողովի 2025 թվականի մարտի 27-ի N 11-Ն որոշում։