Ինչպես՞ս դիմել

Ապրանքային նշանն առցանց գրանցելու համար անհրաժեշտ է`

• ունենալ նույնականացման քարտ, բջջային նույնականացման քարտ կամ թվային ստորագրություն,
• ակտիվացված էլեկտրոնային ստորագրության հավաստագիր։ 

Դիմելու համար անհրաժեշտ է «Շարունակել» կոճակը սեղմելուց հետո՝

• մուտք գործել համակարգ,
• ստեղծել նոր հայտ, 
• ընտրել «Ապրանքային նշաններ» բաժինը,
• լրացնել հայտի առցանց ձևը՝ նկատի ունենալով, որ հայտը կարելի է ներկայացնել մեկից ավելի իրավաբանական անձանց անունից, 
• տվյալները լրացնելուց, անհրաժեշտ նկարներն ու փաստաթղթերը կցելուց հետո, նախքան  հայտը գործակալություն ուղարկելը անհրաժեշտ է նույնականացման քարտը տեղադրել կարդացող սարքի մեջ և ուղարկել։

Հետագա նամակագրությունը գործակալության հետ հնարավոր է վարել նաև էլեկտրոնային եղանակով՝ «Նամակագրություն» բաժնում ընտրելով գործակալությունից ստացված տվյալ հայտին վերաբերող հարցումը կամ ծանուցումը և կցելով պատասխանը՝ PDF ֆորմատով։ 

Վճարման չափը և կարգը

• հայտ ներկայացնելու համար՝ 30,000 դրամ,
• փորձաքննություն անցկացնելու համար՝ 40,000 դրամ,
• մեկից ավելի յուրաքանչյուր դասի համար՝ 15,000 դրամ։

Գործում են հետևյալ զեղչերը՝

• Ֆիզիկական կամ մինչև 25 աշխատող ունեցող իրավաբանական անձանց կամ անհատ ձեռնարկատերերի դեպքում հայտի արժեքը 7,500, փորձաքննությունը 10,000, իսկ ավել դասը 3,750 ՀՀ դրամ է։
• 25-ից 100 աշխատող ունեցող իրավաբանական անձանց կամ անհատ ձեռնարկատերերի դեպքում գրանցման հայտի արժեքը 15,000, փորձաքննությունը 20,000, իսկ ավել դասը 7,500 ՀՀ դրամ է։
• 100-ից ավելի աշխատող ունեցող իրավաբանական անձանց կամ անհատ ձեռնարկատերերի դեպքում՝ գրանցման հայտի արժեքը 30,000, փորձաքննությունը 40,000, իսկ ավել դասը 15,000 ՀՀ դրամ է։  

Ընդ որում՝ ապրանքային նշանի գրանցման հայտը ներակայացնելիս պետք է նախապես վճարել նախատեսված պետական տուրքերը և վճարման անդորրագրերը կցել հայտին։

Տրամադրման ժամկետը և կարգը

Ներկայացված հայտով փորձաքննությունն անցկացվում է երկու փուլով՝ հայտի նախնական փորձաքննություն, որն անցկացվում է հայտը ներկայացնելու թվականը սահմանելուց հետո 10 աշխատանքային օրվա ընթացքում և հայտի ըստ էության փորձաքննություն, որն անցկացվում է հայտի հրապարակման օրվանից 3-ամսյա ժամկետում։ 

Ապրանքային նշանի հայտ ստանալու, գրանցելու, քննարկելու և վկայագիր տրամադրելու առումով ընդհանուր ժամկետը 5 ամիս է:

Ապրանքային նշանի գրանցման գործողության ժամկետը 10 տարի է՝ հայտի ներկայացման թվականից հաշված:

Հղում օրենսդրությանը

«Ապրանքային նշանների մասին» ՀՀ օրենք