Հողօգտագործողները կարող են մինչև 2025 թվականի հոկտեմբերի 31-ը դիմել համայնքի ղեկավարին 2024 և 2025 թվականներին տեղացած կարկուտի հետևանքով գյուղատնտեսական մշակաբույսերին պատճառված վնասների դիմաց մասնակի փոխհատուցում ստանալու համար։ 

Դիմելու համար անհրաժեշտ է ներկայացնել դիմում և պահանջվող փաստաթղթերը, այդ թվում՝ անձը հաստատող փաստաթղթի պատճենը, բանկային հաշվեհամարի տվյալները և հայտարարություն այն մասին, որ վնասված տարածքը չի ընդգրկվել բուսաբուծության աջակցության ծրագրերում։

Փոխհատուցման չափը հաշվարկվում և տրամադրվում է ըստ մշակաբույսերի և վնասի աստիճանի։ Փոխհատուցում ստանալու իրավունք կունենան այն շահառուները, որոնց ցանքատարածություններին հասցված վնասը կազմել է 40-100 տոկոս։

Դիմումների ուսումնասիրությունը, ամփոփումը և հաստատումը կիրականացվեն համայնքային, մարզային և հանրապետական հանձնաժողովների կողմից, իսկ հատկացումները կտրամադրվեն պետբյուջեի միջոցներից։

Փոխհատուցումների փոխանցումը կսկսվի նոյեմբերին՝ համապատասխան փաստաթղթերի ստուգումից և հաստատումից հետո։ Գումարները կփոխանցվեն շահառուների բանկային հաշվեհամարներին՝ մարզպետարանների միջոցով։

Աջակցության ծրագրի վերաբերյալ մարամասները ներկայացված են հետևյալ հղումով։