Ուշադրություն
Աջակցության ծրագրին դիմել հնարավոր է մինչև 2025 թվականի հոկտեմբերի 31-ը ներառյալ։

Ներկայացվող պահանջները

Փոխհատուցում ստանալու իրավունք ունեն այն հողօգտագործողները, որոնց հողատարածքներում կարկուտի հետևանքով առաջացած վնասը կազմել է 40 տոկոս և ավելի։ Վնասված հողատարածքը չպետք է ընդգրկված լինի «Բուսաբուծության աջակցության» 2024 և 2025 թվականների պետական ծրագրերում։

Պահանջվող փաստաթղթերը

Աջակցության ծրագրին դիմելու համար անհրաժեշտ է ներկայացնել դիմում համայնքի ղեկավարին մինչև 2025 թվականի հոկտեմբերի 31-ը (ներառյալ), որում պետք է ներառված լինի․

• Փոխհատուցման ստացման վերաբերյալ ցանկություն, 
• պատճառված վնասի տեսակ, 
• բնակության վայր, 
• բջջային հեռախոսահամար, էլ. փոստ, 
• բանկային հաշվեհամար։

Դիմումին կից անհրաժեշտ է ներկայացնել․

• Անձը հաստատող փաստաթղթի պատճեն,
• սեփականության վկայականի պատճեն (առկայության դեպքում) կամ հողօգտագործման իրավունքը հաստատող փաստաթուղթ,
• հայտարարություն այն մասին, որ վնասված տարածքը չի ընդգրկվել «Բուսաբուծության աջակցության» պետական ծրագրերում (հայտարարության ձևը սահմանվում է համայնքի կողմից)։

Աջակցության չափը

Փոխհատուցման չափը որոշվում է հիմք ընդունելով մշակաբույսի տեսակը և հասցված վնասի չափը։

 
Տրամադրման ժամկետը և կարգը

Դիմումը ներկայացնելուց հետո այն անցնում է հաստատման մի քանի փուլ՝ համայնքի, մարզպետարանի և պետական կառույցների միջոցով։ Եթե ներկայացված տվյալներն ամբողջությամբ համապատասխանում են պահանջներին, ապա փոխհատուցման գումարը շահառուի բանկային հաշվին փոխանցվում է մոտ 1,5 ամսվա ընթացքում։

Հղում օրենսդրությանը