2026 թվականի հունվարի 1-ից ՀՀ-ում գործում է առողջության համընդհանուր  ապահովագրության համակարգը։

Առողջական ապահովագրություն կարող են ստանալ ՀՀ քաղաքացները և ռեզիտենդները, որոնք ապահովագրման օրվան նախորդող 12 ամիսների ընթացքում ՀՀ-ում փաստացի գտնվել են 183 և ավելի օր։ Խոսքը նաև Ղարաբաղից տեղափոխված հայրենակիցների մասին է։

Պետության կողմից անվճար ապահովագրություն են ստանում՝

• մինչև 18 տարեկան երեխաները,

• 65 և բարձր տարիքի անձինք,

• հաշմանդամություն ունեցող անձինք,

• սոցիալապես անապահով («Փարոս» համակարգում ընդգրկված) ընտանիքների անդամները,

• Չեռնոբիլի ատոմակայանի վթարի վերացման մասնակիցները,

• Երկրորդ համաշխարհային պատերազմի մասնակիցներն ու բռնադատվածները,

• հաշմանդամություն ունեցող անձի խնամող հանդիսացող ծնողներից մեկը։

Վճարովի հիմունքներով ապահովագրություն են ստանում՝

• վարձու աշխատողները, որոնց ամսական աշխատավարձը (հարկերը ներառյալ) կազմում է 200,001 դրամ և ավելի,

• անհատ ձեռնարկատերերը, նոտարները և քաղաքացիաիրավական պայմանագրով աշխատողները, որոնց տարեկան եկամուտը գերազանցում է 2,400,001 դրամը։

Վերը նշված խնբի համար ապահովագրավճարը տարեկան մոտ 120,000 - 164,400 դրամ է։

Ուշադրություն

Մինչև 200 հազար դրամ աշխատավարձ ստացող քաղաքացիները համակարգին կմիանան 2027 թվականից։

Պարտադիր պայման է տարին մեկ անգամ անցնել անվճար կանխարգելիչ բուժզննում (check-up)։

Ապահովագրական փաթեթը ներառում է՝

• բժշկական հետազոտություններ (անալիզներ, ռենտգեն, սոնոգրաֆիա և այլն),

• հիվանդանոցային բուժում,

• սրտի վիրահատություններ,

• ուռուցքաբանական բուժում,

• դեղորայք քրոնիկ հիվանդությունների դեպքում,

• շտապ բժշկական օգնություն։

Առաջին փուլով համակարգին միանում են 1,600,000 քաղաքացի։

Մանրամասները ներկայացված են «Պահպանել առողջությունը» կյանքի իրադարձության ուղեցույցում։