ՀՀ դպրոցներում շուտով մեկնարկում է նոր ուսումնական տարվա համար առաջին դասարանցիների հայտագրման գործընթացը։ ԿԳՄՍ նախարարությունը մշակել է փուլային մոտեցում՝ ապահովելու գործընթացի թափանցիկությունն ու արդարությունը: Ծնողները պետք է նախապես ծանոթանան ընթացակարգին՝ խուսափելու հնարավոր խնդիրներից:

Նախապատրաստական փուլ

2025թ. մայիսի 5-ից ծնողները stugum.emis.am կայքում կարող են ստուգել երեխայի անձնական տվյալների առկայությունն ու ճշգրտությունը: Այս քայլն անհրաժեշտ է հաջող հայտագրման համար:

Հայտագրման փուլերը

Արտոնյալ հայտագրումը կընթանա հունիսի 9-ից 22-ը։ Այս շրջանում hayt.emis.am կայքում հայտագրվելու առաջնահերթություն ունեն՝

• երեխաները, որոնց քույրը/եղբայրն արդեն սովորում են նույն դպրոցում,
• երեխաները, որոնց ծնողը տվյալ դպրոցի աշխատակից է,
• պետական համակարգի աշխատողների երեխաները, ովքեր ծառայողական պարտականությունների պատճառով տեղափոխվել են այլ բնակավայր։

Հայերեն ուսուցմամբ դասարանների հայտագրումը կմեկնարկի հունիսի 24-ից

Hayt.emis.am կայքում բացվում է հայտագրումը բոլոր ցանկացողների համար՝ հայերենով ուսուցմամբ դասարաններում:

Ռուսերենով ուսուցմամբ դասարանների հայտագրումը կմեկնարկի՝ հուլիսի 1-ից

Haytru.emis.am կայքում կարող են հայտագրվել օտարերկրյա քաղաքացիների, երկքաղաքացիների և ազգային փոքրամասնություն ներկայացնող ՀՀ քաղաքացիների երեխաները:

Ուշադրություն

• Բազմազավակ ընտանիքների համար առկա է արտոնություն. երկյակների, եռյակների կամ ավելի երեխաներից մեկի հայտագրումը ավտոմատ կերպով ապահովում է մնացածի ընդունելությունը նույն դպրոց։
• Հայտագրումը շարունակվելու է ամբողջ ուսումնական տարվա ընթացքում։

Հայտագրման գործընթացի, ընդունելության, ուումնական տարվա և ծրագրի վերաբերյալ մանրամասները ներկայացված են «Դպրոցական կրթությունը Հայաստանում» ուղեցույցում։