Կառավարությունը հաստատել է այգեհիմնման և ոռոգման համակարգի արդիականացման ծրագիրը Տավուշի մարզի Իջևան համայնքում:

Ծրագրի նպատակն է․

• հիմնել տնամերձ տարածքներում բարձր որակի տնկիներով այգիներ,
• կիրառել ջրի խնայողական օգտագործումը,
• բարձրացնել գյուղատնտեսների եկամուտները,
• ստեղծել Իջևան համայնքում այգեգործական կլաստեր (այգեգործությամբ զբաղվող գյուղատնտեսների համայնք)։

Ծրագրին կարող են մասնակցել այն տնտեսվարողները, ովքեր ունեն առնվազն 100 քմ մակերես տնամերձ հողամաս, որը պետք է լինի առանց ծառերի և խանգարող շինությունների։

Ծրագրին մասնակցելու համար անհրաժեշտ է մինչև 2025 թվականի հուլիսի 15-ը դիմել համայնքի ղեկավարին և կնքել համապատասխան պայմանագիր:

Ծրագրի ֆինանսավորումը բաշխվում է հետևյալ կերպ՝ ՀՀ էկոնոմիկայի նախարարությունը վճարում է աշխատանքների ծախսի 95%, իսկ մնացած 5% վճարում է համայնքը կամ շահառուն:

Գյուղատնտեսների համար նախատեսված աջակցության ծրագրերը ներկայացված են «Աջակցություն գյուղատնտեսներին» ծառայությունների էջում։