2025 թվականի սեպտեմբերի 1-ից Հայաստանում կիրականացվեն քաղաքացիության շնորհման և դադարեցման հետ կապված պետական տուրքերի փոփոխություններ։

Ներքին գործերի Միգրացիայի և քաղաքացիության ծառայության տվյալներով՝ պետական տուրքի վճարները հետևյալն են.

• 50,000 դրամ քաղաքացիության շնորհման համար՝ նախկին 1,000 դրամի փոխարեն,
• 150,000 դրամ քաղաքացիության դադարեցման համար՝ նախկին 25,000 դրամի փոխարեն։

Տուրքերի վերանայումը հիմնավորվում է գնաճի, ծառայության մատուցման իրական արժեքի և միջազգային փորձի հաշվառման անհրաժեշտությամբ։

Ուշադրություն

Լեռնային Ղարաբաղից բռնի տեղահանված անձանց համար ՀՀ քաղաքացիություն ստանալու գործընթացը իրականացվելու է անվճար։ 

ՀՀ քաղաքացիություն ստանալու և դադարեցնելու վերաբերյալ մանրամասները ներկայացված են «Ստանալ քաղաքացիություն և կացության իրավունք» ուղեցույցում։