Աջակցության ծրագիր
Դիմել «Մատչելի բնակարաններ զինծառայողներին» ծրագրին
Իմանալ ավելին
ԲԵՏԱ
Հարթակը մշակման փուլում է․ ձեր կարծիքը կօգնի մեզ բարելավել այն:
Ինչպե՞ս դիմել «Մատչելի բնակարաններ զինծառայողներին» ծրագրին
Բնակարանային աջակցությունը նախատասված է այն զինծառայողների համար, ովքեր աշխատում են․
- ՀՀ պաշտպանության նախարարության սպայական և ավագ ենթասպայական կազմերում,
- Ազգային անվտանգության ծառայությունում,
- Պետական պահպանությունում։
Ծրագրի շրջանակներում պետությունը օգնում է վերը նշված մարմիններում աշխատող զինծառայողներին հիպոթեքային վարկով ձեռք բերել բնակարան, բնակելի տուն կամ նոր կառուցվող բնակելի տուն՝ տրամադրելով․
- կանխավճարի աջակցություն,
- տոկոսադրույքի սուբսիդավորում (տոկոսների որոշ մասի մարում),
- եկամտային հարկի վերադարձ։
Աջակցության դիմելու քայլերի հաջորդականություն
Դիմումի ներկայացում
Քայլ 1
Հունվարից մինչև մարտի 31-ը պահանջվող փաստաթղթերով դիմում ներկայացրու այն կառույցի ղեկավարին, որի զինծառայողն ես հանդիսանում։
Վիճակահանության անցկացում
Քայլ 2
Եթե 500 զինծառայողից ավելի մարդ է մասնակցում ծրագրին, ապա անցկացվում է վիճակահանություն։
Հիպոթեքային վարկի ձևակերպում
Քայլ 3
Կնքիր հիպոթեքային վարկի պայմանագիր բանկի հետ, որից հետո պայմանագրի 2 օրինակը մինչև դեկտեմբերի 20-ը ներկայացրու քո գործատուին։
Ո՞վ կարող է դիմել
Բնակարանի կամ բնակելի տան ձեռքբերման կամ բնակելի տան կառուցման նպատակով ֆինանսավորում կարող են ստանալ 500 զինծառայող հետևյալ բաշխմամբ.
- 450 պայմանագրային զինծառայող՝ ՀՀ պաշտմանության նախարարության սպայական և ավագ ենթասպայական կազմերից,
- 40 զինծառայող՝ ազգային անվտանգության ծառայությունից,
- 10 զինծառայող՝ պետական պահպանության ծառայությունից։
Ընդ որում՝ ծրագրին կարող են դիմել այն զինծառայողները, ովքեր նախկինում չեն ստացել աջակցություն բնակարան կամ բնակելի տուն կամ կառուցվող բնակելի տուն ձեռք բերելու համար։
Ծրագրին մասնակցելու համար անհրաժեշտ է տվյալ տարվա հունվարից մինչև մարտի 31-ը դիմումին կից պահանջվող փաստաթղթերը ներկայացնել համապատասխան գերատեսչություն.
- սպայական և ավագ ենթասպայական կազմերից զինծառայողները՝ ՀՀ պաշպանության նախարարություն,
- Ազգային անվտանգության ծառայողները՝ Ազգային անվտանգության ծառայություն,
- պետական պահպանության զինծառայողները՝ Պետական պահպանության ծառայություն։
Եթե 500 զինծառայողից ավելի մարդ է մասնակցում ծրագրին, ապա անցկացվում է վիճակահանություն։ Եթե քո անունը դուրս է գալիս վիճակահանության արդյունքում, ապա 5 աշխատանքային օրվա ընթացքում քո գործատուն քեզ է տրամադրում տեղեկանք՝ բանկ ներկայացնելու համար։
Ընդ որում՝
- մեկ զինծառայողին այս ծրագրով վարկ կարող է տրամադրվել միայն մեկ անգամ,
- եթե ամուսիններից երկուսն էլ զինծառայողներ են, ապա վարկ տրամադրվում է միայն նրանցից մեկին։
Դիմում նշվում են․
- զինծառայողի անունը, հայրանունը, ազգանունը,
- զինվորական կոչումը,
- ստորաբաժանումը,
- էլեկտրոնային փոստի հասցեն (առկայության դեպքում),
- հեռախոսահամարը,
- ընտանիքի՝ համավարկառու հանդիսացող անդամները (նշելով անունները, ազգանունները և զինծառայողի հետ ազգակցական կապը):
Դիմումին կից անհրաժեշտ է ներկայացնել հետևյալ փաստաթղթերը՝
- զինծառայողի և համավարկառուների անձը հաստատող փաստաթղթերի պատճենները,
- ծառայողական վկայականի պատճենը,
- տեղեկանք բանկից՝ վարկ տրամադրելու պատրաստակամության մասին,
- ամուսնության վկայական, (եթե կիրառելի է)
- դիպլոմ, եթե դիմումի տրման օրվան նախորդող 5 տարվա ընթացքում ես ավարտել ռազմաուսումնական հաստատությունը։
Բնակելի տուն կառուցելու դեպքում պետք է ունենաս քո անունով կամ համատեղ սեփականությամբ հողատարածք և բնակելի տուն կառուցելու շինարարական թույլտվություն և ներկայացնես նաև տնամերձ հողամասի սեփականության վկայականի պատճենը։
Աջակցությունը տրամադրվում է դիմումին կից փաստաթղթերը ներկայացնելուց հետո 30 աշխատանքային օրվա ընթացքում:
Ընդ որում՝ հիպոթեքային վարկի պայմանագիրը կնքելուց հետո պայմանագրի օրինակները 5 աշխատանքային օրվա ընթացքում պետք է ներկայացնես քո գործատուին՝ Ազգային անվտանգության ծառայություն կամ ՀՀ պաշտպանության նախարարություն։
Բանկեր և համավարկառուներ
Համավարկառու կարող են լինել զինծառայողի ընտանիքի հետևյալ անդամները․
- ամուսինը,
- զավակը,
- ծնողը։
Վարկը տրամադրվում է հետևյալ բանկերի կողմից՝
Վարկի մարման եղանակը անուիտետային է՝ այսինքն վարկի մարումը տեղի է ունենում ամեն ամիս հավասար գումարների տեսքով։
Ո՛չ, տույժեր չկան հիպոթեքային վարկը ժամանակից շուտ մարելու դեպքում։
Աջակցության չափ
Ծրագրի շրջանակում հիպոթեքային վարկով բնակարան, բնակելի տուն և նոր կառուցվող բնակելի տուն ձեռք բերելու համար պետությունը միաժամանակ տրամադրում է․
- Կանխավճարի աջակցություն
Պետությունը տրամադրում է 2,500,000 դրամ՝ որպես կանխավճարի աջակցություն։
- Տոկոսադրույքի սուբսիդավորում
Պետությունը վարկի առավելագույնը 11% կամ 13%-ից վճարում է 5%-ը։
- Եկամտային հարկի վերադարձ
Առաջնային շուկայից բնակարան գնելու կամ տուն կառուցելու դեպքում կարող ես ստանալ վճարած եկամտային հարկը՝ վարկի տոկոսագումարների չափով, եթե բավարարում է եկամտահարկի վերադարձի պայմաններին։
Մանրամասները՝ ստորև։
Առաջնային շուկայից բնակարան գնելու դեպքում միաժամանակ տրամադրվում է․
- 2,500,000 դրամ կանխավճար (վճարում է պետությունը),
- բնակարանի արժեքի մինչև 90%-ի չափով վարկ,
- վարկի առավելագույնը 11%-ից 5%-ի սուբսիդավորում (տոկոսների որոշակի մասի մարում պետության կողմից)։
Եթե բավարարում ես եկամտահարկի վերադարձի պայմաններին, ապա կարող ես նաև հետ ստանալ եկամտային հարկը։
Երկրորդային շուկայից բնակարան գնելու դեպքում միաժամանակ տրամադրվում է.
- 2,500,000 դրամ կանխավճար (վճարում է պետությունը),
- վարկի առավելագույնը 13%-ից 5%-ի սուբսիդավորում (տոկոսների որոշակի մասի մարում պետության կողմից)։
Նշում՝ երկրոդային շուկայից բնակարան կամ տուն ձեռք բերելու դեպքում եկամտային հարկի վերադարձի հնարավարությունը չի գործում։
Բնակելի տուն կառուցելու դեպքում.
- 2,500,000 դրամ կանխավճար (վճարում է պետությունը),
- կառուցվող տան նախահաշվային արժեքի մինչև 80%-ի չափով վարկ,
- վարկի առավելագույնը 13%-ից 5%-ի սուբսիդավորում (տոկոսների որոշակի մասի մարում պետության կողմից)։
Եթե բավարարում ես եկամտահարկի վերադարձի պայմաններին, ապա կարող ես նաև հետ ստանալ եկամտային հարկը։
Ուշադրություն
- Բնակելի տուն կառուցելու դեպքում պետք է ունենաս քո անունով կամ համատեղ սեփականությամբ հողատարածք և բնակելի տուն կառուցելու շինարարական թույլտվություն և տնամերձ հողամասի սեփականության վկայականի պատճենը։
- Կառուցապատման ժամկետը առավելագույնը 2 տարի է։
Բնակարանի կամ բնակելի տան կամ կառուցվող բնակելի տան առավելագույն գինը պետք է լինի 28,500,000 դրամ։
Եթե գինն ավելի թանկ է 28,500,000 դրամից, ապա կանխավճարի և տոկոսների սուբսիադավորման (տոկոսների որոշակի մասի մարում) համար աջակցությունը ստանում ես միայն 28,500,000 միլիոն դրամի սահմանների հաշվարկով։
Պետական երաշխիքներ
Ի՞նչ է լինում հիպոտեքային վարկի հետ, եթե զինծառայողը․
Զինվորական ծառայությունից դուրս գալու դեպքում սովորաբար դադարում է պետության կողմից վարկի տոկոսների սուբսիդավորումը՝ (տոկոսների որոշ մասի վճարում) բացառությամբ հետևյալ դեպքերի.
- եթե զինծառայողը հաշվառված է եղել բնակարանային պայմանների բարելավման համար,
- եթե համավարկառու է հաշվառված զինծառայողի ընտանիքի զինծառայող հանդիսացող այլ անդամ,
- եթե զինծառայողը կառուցվածքային փոփոխության արդյունքում պաշտպանության նախարարության համակարգում նշանակվել է քաղաքացիական ծառայության պաշտոնի։
Եթե զինծառայողը ծառայությունից դուրս գալուց հետո կրկին անցնում է զինվորական ծառայության, ապա բոլոր արտոնությունները (տոկոսների սուբսիդավորում և եկամտային հարկի վերադարձ) վերականգնվում են:
Եթե զինծառայողը ստանում է հաշմանդամություն ծառայության ընթացքում, պետությունը մարում է հիպոթեքային վարկի մի մասը։
Մարտական գործողությունների ժամանակ
- 50% մարում - առաջին խմբի հաշմանդամ զինծառայողների համար,
- 40% մարում - երկրորդ խմբի հաշմանդամ զինծառայողների համար։
Ծառայողական պարտականություններ կատարելիս
- 30% մարում - առաջին խմբի հաշմանդամ զինծառայողների համար,
- 20% մարում - երկրորդ խմբի հաշմանդամ զինծառայողների համար։
Ընդհանուր զինվորական ծառայության ընթացքում
- 20% մարում - առաջին խմբի հաշմանդամ զինծառայողների համար,
- 15% մարում - երկրորդ խմբի հաշմանդամ զինծառայողների համար։
Այլ դեպքեր
10% մարում հետևյալ դեպքերում՝
- երկարամյա ծառայության կենսաթոշակի անցնելիս,
- առողջական վիճակի պատճառով ծառայության համար ոչ պիտանի ճանաչվելիս,
- 3-րդ խմբի հաշմանդամություն ձեռք բերելիս։
Ընդ որում՝ վարկի մայր գումարը մարվում է զինծառայողի կամ ընտանիքի անդամի դիմումի հիման վրա 30 բանկային օրվա ընթացքում։
Եթե զինծառայողը զոհվում է, պետությունը մարում է հիպոթեքային վարկի մի մասը կամ ամբողջը՝ կախված հանգամանքներից.
- 100% մարում - եթե զոհվել է մարտական գործողությունների, շփման գծում հերթապահության կամ հակառակորդի հարձակման ժամանակ,
- 70% մարում - եթե զոհվել է ծառայողական պարտականությունները կատարելիս,
- 50% մարում - եթե զոհվել է զինվորական ծառայության ընթացքում։
Ընդ որում՝ վարկի մայր գումարը մարվում է զինծառայողի կամ ընտանիքի անդամի դիմումի հիման վրա 30 բանկային օրվա ընթացքում։
Այս էջը օգտակա՞ր էր