Առաջին անգամ դիմելիս անհրաժեշտ է պետական եկամուտների կոմիտեի գրասենյակ դիմումին կից ներկայացնել․

• վարկառուի անձը հաստատող փաստաթուղթ (անձնագիր կամ նույնականացման քարտ, կացության կարգավիճակ կամ կոնվենցիոն ճամփորդական փաստաթուղթ՝ ըստ անհրաժեշտության),
• հանրային ծառայությունների համարանիշ (սոցքարտ) կամ դրա բացակայության մասին տեղեկանքի համար, ինչպես նաև ՀՎՀՀ (առկայության դեպքում),
• հիպոթեքային վարկի պայմանագրի բնօրինակը (կամ նոտարական կարգով վավերացված պատճենը), մարման ժամանակացույցը և գրավադրված գույքի սեփականության պետական գրանցման վկայականը,
• կառուցապատողի տեղեկանքը՝ բնակարանն անմիջապես կառուցապատողից ձեռք բերված լինելու մասին, կամ անհատական բնակելի տան շինարարության թույլտվությունը,
• բազմաբնակարան բնակելի շենքում բնակարանի առուվաճառքի պայմանագրի բնօրինակը։

Հայտը ներկայացնելուց հետո 10 աշխատանքային օրվա ընթացքում հարկային մարմինն ուսումնասիրում և բավարարում կամ մերժում է այն։ Հայտը մերժվում է միայն այն դեպքում, եթե պահանջվող փաստաթղթերը ամբողջական չեն ներկայացվել։ Մերժման դեպքում ծանուցվում է համապատասխան հիմքերի մասին։

Հայտը հաջողությամբ բավարարվելուց հետո անհրաժեշտ է բացառապես էլեկտրոնային եղանակով հարկային մարմին ուղարկել եկամտային հարկի վերադարձման դիմումը։

Աշխատավարձից պահված եկամտային հարկը կվերադարձվի, եթե հիպոտեքային վարկով ձեռք բերվող բնակարանը գտնվում է ՀՀ մարզերում։ 

Ընդ որում՝ 2027 թվականից եկամտային հարկի վերադարձի օրենքը չի գործելու 4 մարզում՝ Կոտայքում, Արագածոտնում, Արմավիրում, Արարատում, 2029 թվականից դադարելու է գործել մյուս բոլոր մարզերում՝ բացառությամբ սահմանամերձ բնակավայրերի: 

Ուշադրություն
Գնվող բնակարանի գտնվելու վայրի հստակ գոտու վերաբերյալ տեղեկատվությունը ստանալու համար անհրաժեշտ է դիմել կառուցապատող ընկերության աշխատակցին։

Եկամտային հարկի վերադարձի ծրագրից կարող են օգտվել.

• վարձու աշխատողները,
• անհատ ձեռնարկատերերը,
• նոտարները,

ովքեր անձամբ կամ հարկային գործակալի միջոցով (գործատու) ՀՀ բյուջե են վճարում եկամտային հարկ։ 

Ընդ որում՝ անհատ ձեռնարկատերերը և նոտարները կարող են օգտվել այս ծրագրից, եթե հիպոտեքային վարկի պայմանագիրը կնքել են որպես անհատ ձեռնարկատեր կամ նոտար։ 

Ո՛չ։ Վարկառուն և համավարկառուն եկամտային հարկի վերադարձից կարող են օգտվել միայն 1 հիպոտեքային վարկի պայմանագրից։ 

Եկամտա­յին հարկը հետ ստանալու համար բնակարանը պետք է բավարարի հետևյալ պահանջներին՝ 

• անմիջապես կառուցապատողից ձեռք բերվող կամ կառուցվող անհատական բնակելի տունը պետք է գտնվի ՀՀ տարածքում,
• գործարքի պայմանագրային արժեքը չպետք է գերազանցի 55 միլիոն դրամը։

Ուշադրություն

2025 թվականի հունվարի 1-ից Երևան քաղաքում չի գործում եկամտային հարկի վերադարձի օրենքը։

Համավարկառուներին վերադարձման ենթակա եկամտային հարկի ընդհանուր գումարը յուրաքանչյուր եռամսյակի համար 750,000 դրամ է։ 

Ոչ, եթե եռամսյակի ընթացքում ստացել եք անաշխատունակության նպաստ (օրինակ՝ հիվանդության, պրոթեզավորում, առողջարանային բուժում), ապա այդ գումարից պահված եկամտային հարկը չի վերադարձվում եկամտային հարկի վերադարձի օրենքով։

Այս հաղորդագրությունը համակարգում երևում է, երբ գործատուի կողմից եկամտային հարկը դեռևս չի վճարվել։

Եկամտային հարկը գործատուի կողմից վճարվում է մինչև տվյալ ամսվա 20-ը (եկամտային հարկը հնարավոր է ստանալ ապրիլի 20-ին, հուլիսի 20-ին, հոկտեմբերի 20-ին կամ հունվարի 20-ին ՝ կախված նրանից, թե որ եռամսյակի համար է տրվել դիմումը): 

Այո՛, կարելի է դիմել բաց թողնված ցանկացած ժամանակահատվածի եկամտային հարկի գումարը վերադարձնելու համար։ Դիմելու համար պարտադիր է, որ այդ ընթացքում կատարված լինեն հիպոտեքային վարկի և եկամտային հարկի վճարումները։