Բիզնեսի հարկերը առցանց վճարելու համար անհրաժեշտ է ունենալ․ 

• բիզնեսի կամ ֆիզիկական անձի բանկային հաշվեհամարը,
• հարկ վճարողի հաշվառման համարը (ՀՎՀՀ)։

Հարկերը կարելի է վճարել 2 տարբերակով՝ բանկային փոխանցումների միջոցով կամ e-payments.am կայքի միջոցով։ 

Բանկային փոխանցումների միջոցով վճարելու համար անհրաժեշտ է՝

• այցելել ընտրված բանկի կայք, 
• հաշվեհամարից փոխանցումներ կատարել համապատասխան գանձապետական հաշվեհամարներին։

e-payments.am կայքի միջոցով վճարելու համար անհրաժեշտ է՝

• այցելել e-payments.am կայք, որը կտանի պետական վճարումների էլեկտրոնային համակարգ,  

• մուտք գործել «Հարկեր» բաժին, որտեղ հնարավոր է տեսնել վճարման հերթական քայլերը,   

• ընտրել հարկի կամ վճարման անհրաժեշտ տեսակը,

• այնուհետև՝ համապատասխան վճարումը,

• լրացնել պահանջվող տվյալները, 

• ընտրել վճարման եղանակը և սեղմել «Վճարել»  կոճակը։ 

Համակարգում վճարումները դասակարգված են 4 խմբի` տուրքեր, ծառայությունների վճարներ, հյուպատոսական ծառայությունների վճարներ, տուգանքներ և հարկեր: Դրանք իրենց հերթին ունեն ենթախմբեր, որոնց միջոցով հեշտությամբ կարելի է գտնել անհրաժեշտ վճարման տեսակը:

Հնարավոր է կատարել նաև համայնքային վճարումներ (օրինակ` գույքահարկ, հողի հարկ, աղբահանության վճար և այլն) Երևան քաղաքի բոլոր համայնքների, ինչպես նաև Գյումրի և Վանաձոր քաղաքների համար: Հետագայում համակարգը կներառի նաև ՀՀ այլ համայնքներ:

Տրամադրման ժամկետը 

Վճարված գումարը գանձապետական հաշվին է հաշվեգրվում վճարման օրվան հաջորդող 5 աշխատանքային օրվա ընթացքում:

Համակարգն ընդունում է վճարումներ ArCA, VISA, Master քարտերի, ինչպես նաև Mobidram, Easypay և TelCell վճարային համակարգերի միջոցով:

Վճարումը (գործարքը) համարվում է ավարտված միայն պետական վճարումների էլեկտրոնային համակարգի կողմից գեներացված 20 նիշանոց ծածկագիրն ու անդորրագիրը ստանալու դեպքում, որի բնօրինակն ուղարկվում է վճարողի նշված էլ. փոստի հասցեին:

Ուշադրություն
Հարկերը վճարելուց առաջ դրանք պետք է արդեն իսկ հաշվարկված և արտացոլված լինեն Պետական եկամուտների կոմիտե ներկայացվող հաշվետվություններում։