Աջակցությունից օգտվելու համար անհրաժեշտ է դիմել բանկ կամ վարկային կազմակերպություն, վարկունակության գնահատումից հետո կատարել այգեհիմնման աշխատանքները, իսկ այնուհետև բանկին կամ վարկային կազմակերպությանը ներկայացնել կատարված աշխատանքների վերաբերյալ հաշվետվություն։

Ներկայացվող պահանջները

Աջակցությունից օգտվելու պահանջները վերաբերում են ինչպես այգեհիմնման պայմաններին, այնպես էլ աշխատանքների կազմակերպման ընթացքին։

Աջակցության տեսակները

Ծրագրով նախատեսվում է վարկերի տոկոսադրույքների մասնակի փոխհատուցում հետևյալ դեպքերում․

• 0․5-500 հա տարածքում այգի հիմնելու և առաջին տարվա ընթացքում այգին խնամելու ծախսերի համար, ընդ որում՝ եթե այգու մակերեսը 0․5 հա է, ապա յուրաքանչյուր պտղատեսակի համար նախատեսվում է հիմնել մեկ ամբողջական այգի,
• 0.5 և ավելի հա տարածքում ոռոգման արդիական համակարգեր ներդնելու համար,
• 0.5 և ավելի հա տարածքում մինչև 100,000 մ³ ծավալով ջրավազաններ կառուցելու կամ ընդլայնելու համար, 
• 0.5-100 հա տարածքներում կարկտապաշտպան ցանցերի ներդրման համար,
• 1-30 հա ծնեբեկի, պրասասոխի, ռուկոլայի, բրյուսելյան և պեկինյան կաղամբների, կոլրաբիի, գանգրակաղամբի (կալե), դեղին կամ մուգ կանաչ ցուկինիի և պատիսոնի, քաղցր եգիպտացորենի, ինչպես նաև հատիկաընդեղենների մշակման համար։

Պահանջվող փաստաթղթերը

Ծրագրին մասնակցելու համար անհրաժեշտ է բանկ կամ վարկային կազմակերպություն փաստաթղթեր ներկայացնել 3 փուլով՝

• վարկունակության գնահատման համար,
• վարկի ստացման համար,
• այգեհիմնումից կամ համակարգերի ներդրումից հետո՝ կատարված աշխատանքները հիմնավորելու համար։

Հղում օրենսդրությանը

ՀՀ կառավարության՝ 2021 թվականի հունիսի 3-ի N 927-Լ որոշում

Որոշումը հնարավոր է գտնել arlis.am-ում։