Պահանջվող փաստաթղթերը

Դատվածության և հետախուզման մասին տեղեկանք ստանալու համար անհրաժեշտ է ներկայացնել հետևյալ փաստաթղթերը․

• սահմանված ձևի դիմում (տրամադրվում է տեղում),
• անձնագիր կամ նույնականացման քարտ և դրա պատճենը,
• եթե տեղեկանք դիմողը դիմումն անձամբ ներկայացնելու պահին տեղեկանքի ստացումը հանձնարարում է երրորդ անձի, ապա տվյալ անձի անձնագրի կամ նույնականացման քարտի պատճենը։

Եթե դիմումը ներկայացնում է տեղեկանք դիմողի ծնողը, եղբայրը, քույրը, ամուսինը, զավակը կամ լիազոր ներկայացուցիչը, ապա պետք է ներկայացվեն նաև հետևյալ փաստաթղթերը՝

• ծնողի դեպքում՝ դիմողի անձնագրի կամ նույնականացման քարտի բնօրինակը և պատճենը, տեղեկանք դիմողի անձնագրի կամ նույնականացման քարտի ու ծննդյան վկայականի պատճենները,
• եղբոր և քրոջ դեպքում՝ դիմողի անձնագրի կամ նույնականացման քարտի բնօրինակը և պատճենը, դիմողի ծննդյան վկայականի բնօրինակը, տեղեկանք դիմողի ծննդյան վկայականի և անձնագրի կամ նույնականացման քարտի պատճենները,
• ամուսնու դեպքում՝ դիմողի անձնագրի կամ նույնականացման քարտի բնօրինակը և պատճենը, տեղեկանք դիմողի անձնագրի կամ նույնականացման քարտի և ամուսնության վկայականի պատճենները,
• զավակի դեպքում՝ դիմողի անձնագրի կամ նույնականացման քարտի բնօրինակը և պատճենը, ծննդյան վկայականի և տեղեկանք դիմողի անձնագրի կամ նույնականացման քարտի պատճենները,
• լիազոր ներկայացուցչի դեպքում՝ լիազորված անձի անձնագիրը կամ նույնականացման քարտը, լիազորագրի բնօրինակը (լիազորագրի նոտարական վավերացում չի պահանջվում) և տեղեկանք դիմողի անձնագրի կամ նույնականացման քարտի պատճենը։

Տեղեկանքը ՀՀ ԱԳՆ-ի կողմից դիմողի նշված հասցեով առաքելու համար սահմանված է վճար: 

Փոստային առաքման վճարումը կարելի է կատարել ՀՀ տարածքում գործող ցանկացած առևտրային բանկում, պետական վճարումների էլեկտրոնային համակարգի կամ տեղում՝ ակնթարթային վճարումների համակարգի (տերմինալի) միջոցով հետևյալ գանձապետական հաշվեհամարներին`

 

• ՀՀ տարածքում առաքում կատարելու համար` 900013196101 (430 ՀՀ դրամ),
• ՀՀ տարածքից դուրս առաքում կատարելու համար` 900013196093 (11.000-25.000 ՀՀ դրամ՝ կախված առաքման երկրից)։