Ազատ պայմաններում վայրի կենդանիներ վերաբնակեցնելու թույլտվություն ստանալու հայտ ներկայացնելու համար անհրաժեշտ է ուղարկել [email protected] էլեկտրոնային հասցեին՝ :

Պահանջվող փաստաթղթերը

Նշված էլ․ փոստի հասցեին անհրաժեշտ է ուղարկել՝

• դիմում-հայտ,

• պետական գրանցման վկայականի կամ անձը հաստատող փաստաթղթի պատճենը (անհատ ձեռնարկատեր հանդիսացող անձի դեպքում նաև ԱՁ-ի պետական գրանցման վկայականի պատճենը),

• բնապահպանական նպատակով կենդանական աշխարհի օբյեկտների օգտագործման մասին կնքած պայմանագրի պատճենը,

• անազատ և կիսաազատ պայմաններում վայրի կենդանիներ պահելու թույլտվության պատճենը,

• բաց թողնման վայրերի ընտրության գործընթացում մարզպետի աշխատակազմի և տեղական ինքնակառավարման մարմինների քննարկման դրական արդյունքները,

• վերաբնակեցման ծրագրի վերաբերյալ գիտահետազոտական հիմնարկների կամ բարձրագույն մասնագիտական ուսումնական հաստատությունների կողմից տրամադրված դրական եզրակացությունը։

Յուրաքանչյուր կենդանական տեսակի համար հարկավոր է կազմել վերաբնակեցման ծրագիր, որը պետք է ներառի՝

• վերաբնակեցվող կենդանական տեսակի (առկայության դեպքում՝ հայերեն և լատիներեն անվանումները), առանձնյակների քանակի, սեռի, հնարավորության դեպքում՝ տարիքի վերաբերյալ տեղեկատվություն,

• գիտահետազոտական հիմնարկների, համապատասխան մասնագիտական որակավորում ունեցող իրավաբանական կամ ֆիզիկական անձանց կողմից վերաբնակեցման ենթակա տարածքի ներկա վիճակի և ներուժի գնահատումը, ինչպես նաև առկայության դեպքում վերջին՝ մինչև 10 տարիների ընթացքում կատարված կենդանական աշխարհի մոնիթորինգի տվյալները,

• վերաբնակեցման արդյունքում հնարավոր ռիսկերի գնահատումը և վերլուծությունը՝ յուրաքանչյուր կենդանական տեսակի առանձնահատկություններով պայմանավորված՝ հաշվի առնելով կենդանական տեսակների պահպանության, կենսաանվտանգության, կենդանուց կենդանուն, ինչպես նաև կենդանուց մարդուն բազմաթիվ հիվանդությունների փոխանցման ռիսկերը և խնդիրները,

• ծրագրի ֆինանսական գնահատականը, ֆինանսավորման աղբյուրը և ծախսերի բացվածքը,

• վերաբնակեցման տարածքում բնություն վերադարձված առանձնյակների հարմարվողականության, վարքագծի, թվաքանակի փոփոխությունների, ինչպես նաև մարդածին և բնական ազդեցությունների գնահատման նպատակով մոնիթորինգի պլանը՝ ներառյալ դրա ֆինանսավորման չափի և ֆինանսավորման աղբյուրի և իրականացնող մասնագիտացված կառույցի մասին տեղեկատվությունը: 

Թույլտվության չտրամադրման հիմքերը

Թույլտվություն ստանալու հայտը չի հաստատվում, եթե՝

• ներկայացված փաստաթղերը թերի են, բացակայում են, կամ դրանցում ներկայացված տեղեկությունները չեն համապատասխանում իրականությանը և օրենսդրության պահանջներին,

• հայտում կամ փաստաթղթերում բացահայտված թերությունները չեն շտկվում ծանուցվելուց հետո 10 աշխատանքային օրվա ընթացքում։

Վճարման չափը և կարգը

Ազատ պայմաններում վայրի կենդանիներ վերաբնակեցնելու թույլտվությունը տրամադրվում է անվճար։

Տրամադրման ժամկետը և կարգը

Թույլտվությունը տրամադրվում է դիմումը ներկայացնելուց հետո 15 աշխատանքային օրվա ընթացքում։

Հղում օրենսդրությանը

• ՀՀ կառավարության 2024 թվականի մայիսի 23-ի N 758-Ն որոշում

• ՀՀ Շրջակա միջավայրի նախարարի 2024 թվականի ապրիլի 3-ի N 113-Ն հրաման

• «Կենդանական աշխարհի մասին» ՀՀ օրենք

Իրավական ակտերը հնարավոր է գտնել Arlis.am-ում։