Անհատ ձեռնարկատեր առցանց գրանցելու համար անհրաժեշտ է «Շարունակել» կոճակը սեղմելուց հետո կատարել հետևյալ քայլերը․ 

• e-register.am կայքում ընտրել մուտք ID քարտով տարբերակը, 
• անձնական տիրույթում ընտրել «Նոր ընկերություն» կոճակը, 
• սեղմել «Անհատ ձեռնարկատեր», 
• լրացնել պահանջվող տվյալները և սեղմել «Պահպանել» կոճակը։ 

Նշված քայլերից հետո կգեներացվի դիմում, որն անհրաժեշտ է ներբեռնել համակարգիչ, հաստատել թվային ստորագրությամբ և վերբեռնել համակարգ՝ անհրաժեշտության դեպքում կցելով նաև այլ փաստաթղթեր։

Ներկայացվող պահանջները

Անհատ ձեռնարկատեր առցանց գրանցելու համար անձը պետք է ունենա՝

• նույնականացման քարտ,
• նույնականացման քարտ կարդացող սարք,
• ակտիվ էլեկտրոնային ստորագրություն։

Ծառայության տրամադրման ժամկետը և կարգը

ԱՁ-ն գրանցվում է անմիջապես, իսկ գրանցման քաղվածքն ուղարկվում է ֆիզիկական անձի էլ․ փոստի հասցեին։ Քաղվածքում նշվում են ԱՁ-ի պետական հաշվառման համարը և հարկ վճարողի հաշվառման համարը (ՀՎՀՀ), որը նրա նույնականացման կոդն է։

Տվյալ առցանց ծառայությունն անվճար է։