Ֆիզիկապես անհատ ձեռնարկատեր գրանցելու համար պետք է դիմել Իրավաբանական անձանց գրանցման ծառայությունների մատուցման ցանկացած կենտրոն: 

Պահանջվող փաստաթղթերը 

Որպես անհատ ձեռնարկատեր հաշվառվելու համար անհրաժեշտ է ներկայացնել․

• անձնագիր կամ նույնականցման քարտ (ՀՀ քաղաքացի չլինելու դեպքում անձնագիրը պետք է ներկայացնել նոտարի հաստատմամբ հայերեն թարգմանությամբ),
• պետական տուրքի վճարման անդորրագիր։
  
  

Վճարման չափը և կարգը

Որպես անհատ ձեռնարկատեր հաշվառվելու համար անհրաժեշտ է վճարել 3,000 ՀՀ դրամ պետական տուրք։

Վճարումն իրականացվում է հետևյալ եղանակներից մեկով՝

• E-payments համակարգի միջոցով,

• բանկային փոխանցման միջոցով ՀՀ պետական բյուջեի հաշվեհամարին՝ 900005160750։ Փոխանցման նպատակի դաշտում պետք է նշել «Անհատ ձեռնարկատերերի պետական հաշվառման նպատակով թղթային եղանակով դիմումի ընդունման համար» (եթե բանկային հավելվածում չի ստացվում փոխանցում կատարել այս հաշվեհամարին, ապա խնդրում ենք ընտրել «Փոխանցում պետական բյուջե» տարբերակը)։
  
  

Տրամադրման ժամկետը և կարգը

Փաստաթղթերը ներկայացնելուց և գործունեության տեսակն ընտրելուց հետո ԱՁ-ն անմիջապես գրանցվում է, իսկ գրանցման քաղվածքն ուղարկվում է ֆիզիկական անձի տրամադրած էլ․ փոստի հասցեին (ըստ նրա ցանկության՝ կարող է տրամադրվել նաև առձեռն)։ 

Հղում օրենսդրությանը

• «Անհատ ձեռնարկատիրջ մասին» ՀՀ օրենք

• «Պետական տուրքի մասին» ՀՀ օրենք

Իրավական ակտերը հնարավոր է գտնել Arlis.am-ում։