ՀՀ-ում հաշմանդամության նպաստ ստանալու համար անհրաժեշտ է դիմել միասնական սոցիալական ծառայության (ՄՍԾ) տարածքային կենտրոն ու ներկայացնել դիմում։

Ներկայացվող պահանջները

Հաշմանդամության նպաստը նշանակվում է բժշկասոցիալական փորձաքննություն իրականացնող իրավասու պետական մարմնի կողմից հաշմանդամ ճանաչվելու օրվանից, եթե նպաստ նշանակելու դիմումը ներկայացվել է այդ օրվանից հետո 3 ամսվա ընթացքում:

Պահանջվող փաստաթղթերը

Հաշմանդամության նպաստ ստանալու համար անհրաժեշտ է ներկայացնել՝

• դիմում,
• նույնականացման քարտ կամ անձնագիր,
• սոցիալական քարտ (նույնականացման քարտի առկայության դեպքում անհրաժեշտ չէ) կամ այն չստանալու մասին տեղեկանք,
• հաշմանդամություն ունեցող ճանաչելու մասին բժշկասոցիալական փորձաքննություն իրականացնող իրավասու պետական մարմնի տված բժշկասոցիալական փորձաքննական որոշման քաղվածքը,
• կացության կարգավիճակը հաստատող փաստաթուղթ՝ օտարերկրյա քաղաքացիների և քաղաքացիություն չունեցող անձանց համար,
• կոնվենցիոն ճամփորդական փաստաթուղթ՝ փախստականի կարգավիճակ ունեցող անձի համար։
  
  

Աջակցության չափը

Կախված հաշմանդամության կարգից (ֆունկցիոնալության աստիճան)՝ նպաստը չափը կազմում է․

• 39,000 դրամ՝ ֆունկցիոնալության խորը աստիճանի սահմանափակումով (1-ին խմբի հաշմանդամություն) հաշմանդամություն ունեցող անձի համար,
• 37,500 դրամ՝ ֆունկցիոնալության ծանր աստիճանի սահմանափակումով (2-րդ խմբի հաշմանդամություն) հաշմանդամություն ունեցող անձի համար,
• 36,000 դրամ՝ ֆունկցիոնալության միջին աստիճանի սահմանափակումով (3-րդ խմբի հաշմանդամություն) հաշմանդամություն ունեցող անձի համար։
  
  

Տրամադրման ժամկետը և կարգը

• Դիմումը ուսումնասիրվում է սոցիալական ծառայության աշխատակցի կողմից։ 
• 10 աշխատանքային օրվա ընթացքում դիմումատուն ծանուցվում է նպաստի հաստատման կամ մերժման մասին։ 
  
  

Հղում օրենսդրությանը

«Պետական նպաստների մասին» ՀՀ օրենք։
Օրենքը հնարավոր է գտնել arlis.am-ում։