This site is new, your feedback will help us improve it.
Ստանալ Հայաստան մուտք գործելու վիզա (E-VISA)
ՀՀ մուտքի վիզան օտարերկրացուն հնարավորություն է տալիս վիզայի վավերականության ժամկետներում մուտք գործել ՀՀ, գտնվել ՀՀ տարածքում և դուրս գալ այնտեղից՝ փաստաթղթում նշված պայմաններով և նպատակներով։
ՀՀ մուտքի վիզա ստանալու համար անհրաժեշտ է դիմել օտարերկրյա պետություններում գործող ՀՀ դեսպանություններ կամ հյուպատոսական հիմնարկներ, ինչպես նաև, կախված երկրից, հնարավոր է դիմել E-VISA էլեկտրոնային համակարգի միջոցով կամ ՀՀ պետական սահմանին։
Որոշ դեպքերում հնարավոր է ՀՀ մուտքի վիզա ստանալ առցանց՝ ՀՀ արտաքին գործերի նախարարության E-VISA համակարգի միջոցով։ Էլեկտրոնային վիզա կարող են ստանալ աշխարհի 73 պետությունների կողմից տրված սովորական անձնագիր կամ ճամփորդական փաստաթուղթ ունեցող անձինք։
Վիզայի անհրաժեշտությունը կարելի է ստուգել՝ այցելելով ՀՀ արտաքին գործերի նախարարության կայք (յուրաքանչյուր երկիր ընտրելիս անհրաժեշտ է թարմացնել էջը)։
Առցանց դիմելու համար անհրաժեշտ է՝
- սեղմել ''Apply for e-visa'' կոճակը, այնուհետև ընտրել անձնագրի տեսակն ու տրամադրող երկիրը և մուտքագրել էլեկտրոնային փոստի հասցեն,
- էլ․ հասցեին ուղարկված նամակում հաստատել էլ․ փոստի հասցեն,
- բացվող էջում լրացնել պահանջվող տեղեկատվությունը, կցել պահանջվող փաստաթղթերի սկանավորված տարբերակները և հետևել հրահանգներին։
Պահանջվող փաստաթղթերը
E-VISA էլեկտրոնային համակարգով դիմելու դեպքում անհրաժեշտ է՝
• լրացնել առցանց դիմում-հարցաթերթիկը,
• կցել անձնագիրը (կամ ճամփորդական փաստաթուղթը),
• կցել լուսանկարը,
• կատարել պետական տուրքի վճարումը։
Առկայության դեպքում խիստ ցանկալի է կցել նաև՝
• ինքնաթիռի տոմս,
• հյուրանոցի ամրագրում,
• տուրիստական ընկերության հրավեր,
• բանկային քաղվածք կամ որևէ այլ ապացույց ֆինանսական միջոցների առկայության մասին,
• առողջապահական (ճամփորդական) ապահովագրություն,
• անձնագրի այն էջերը, որոնք պարունակում են այլ պետությունների գործող կամ վերջին 3 տարիներին տրված վիզաներ կամ կացության կարգավիճակի քարտեր,
• այլ փաստաթղթեր։
Էլեկտրոնային հարթակի միջոցով հնարավոր է հետևել դիմումի ընթացքին՝ սեղմելով ''Check application status'' կոճակը։
E-VISA-ի դիմումը մերժվելու դեպքում հնարավոր է նորից դիմել։ Անհրաժեշտ է պարզել մերժման պատճառը, որի մասին անձին ծանուցվում է էլ․ փոստով։ Եթե մերժման պատճառը եղել է պահանջվող փաստաթղթերը չկցելը կամ անձնական տվյալները սխալ մուտքագրելը, ապա կարելի է նորից դիմել՝ կցելով անհրաժեշտ փաստաթղթերը և ճիշտ տվյալները։
Ուշադրություն
ՀՀ մուտքի վիզան երկարաձգվում է միայն ՀՀ տարածքում՝ վիզայի ժամկետի ավարտից առաջ։ ՀՀ մուտքի վիզան երկարաձգելու համար անհրաժեշտ է դիմել ՀՀ ոստիկանության Անձնագրային և վիզաների վարչություն (հայտնի է նաև ОВИР անվանումը)։
Վիզայի ժամկետները, վճարման չափը և կարգը
ՀՀ մուտքի վիզա հնարավոր է ստանալ տարբեր ժամկետներով․ յուրաքանչյուր ժամկետի դեպքում վճարման չափը տարբեր է։ Վիզայի ժամկետներն ու վճարման չափերը հետևյալն են՝
- մինչև 21 օրվա վիզա՝ 7 ԱՄՆ դոլար,
- մինչև 120 օրվա վիզա՝ 34 ԱՄՆ դոլար։
Վճարումը կատարվում է առցանց՝ դիմումը ներկայացնելիս։
Տրամադրման ժամկետը
E-VISA-ն տրամադրվում է 3 աշխատանքային օրում։
Հղում օրենսդրությանը
«Օտարերկրացիների մասին» ՀՀ օրենք
Օրենքը հնարավոր է գտնել arlis.am-ում։
(+374) 010 58-59-80
(+374) 055 62-01-11
Using different methods might take more time or cost more money.
(+374) 010 58-59-80
(+374) 055 62-01-11