Ստանալ տեղեկատվություն պետական մարմիններից

BETA

This site is new, your feedback will help us improve it.

Government and democracy

Ստանալ տեղեկատվություն պետական մարմիններից

Յուրաքանչյուր անձ իրավունք ունի ծանոթանալու իր փնտրած տեղեկությանը և դա ստանալու նպատակով հարցմամբ դիմելու տեղեկատվություն տնօրինող մարմնին, այդ թվում՝ պետական կառավարման մարմիններին, տեղական ինքնակառավարման մարմիններին, պետական հիմնարկներին, պետական և տեղական բյուջեներից ֆինանսավորվող կազմակերպություններին, հանրային նշանակության կազմակերպություններին, պաշտոնատար անձանց:

Տեղեկատվություն հնարավոր է ստանալ ինչպես բանավոր, այնպես էլ գրավոր դիմումի հիման վրա։

You will be taken to the service provider’s website, it will open in a new tab.

Who can apply?

ՀՀ և օտարերկրյա քաղաքացիներ

Filiing duration

2-3 րոպե

Service cost

Անվճար

Processing duration

5-30 օր

Ստորև ներկայացված քայլերն անհրաժեշտ է կատարել «Շարունակել» կոճակը սեղմելուց հետո։

Պետական մարմիններից տեղեկատվություն ստանալու համար նախ անհրաժեշտ է գրանցվել Էլեկտրոնային հարցումների միասնական հարթակում։ Դրա համար անհրաժեշտ է՝

այցելել e-request.am,
սեղմել էջի վերին աջ անկյունում գտնվող «Մուտք» կոճակը, այնուհետև անցնել բացվող էջի ներքևում գտնվող «Գրանցվել հիմա» հղումով,
նշել քաղաքացիությունը, այնուհետև լրացնել անհրաժեշտ տվյալները,
մուտքագրել էլեկտրոնային փոստի հասցեին ստացված կոդը, այնուհետև՝ բջջային հեռախոսահամարին ստացված կոդը,
ստեղծել գաղտնաբառ և հաստատել այն։

Հարթակում գրանցվելուց հետո տեղեկատվություն ստանալու համար անհրաժեշտ է՝

մուտք գործել հարթակ՝ լրացնելով էլեկտրոնային փոստի հասցեն և գաղտնաբառը,
սեղմել «Ուղարկել դիմում, հարցում կամ բողոք» պատուհանի «Ուղարկել» կոճակը,
բացվող էջում ընտրել «Հարցում» տարբերակը,
ընտրել դիմումատուի տեսակը՝ «Անհատ», կամ որպես կազմակերպություն դիմելու դեպքում՝ «Իրավաբանական անձ»,
բացվող էջում ընտրել, թե որ պետական մարմնին է ուղղված հարցումը,
մուտքագրել հարցումը՝ հստակ ձևակերպելով անհրաժեշտ տեղեկատվությունը,
եթե փաստաթղթեր կցելու անհրաժեշտություն կա, սեղմել «Կցել ֆայլ» կոճակը, եթե ոչ, սեղմել «Առաջ» կոճակը։

Հարցման ընթացքին հնարավոր է հետևել անձնական էջում առկա հսկիչ կոդի միջոցով։

Տրամադրման ժամկետը և կարգը

Եթե հարցվող տեղեկությունը հրապարակված չէ, ապա դրա պատճենը դիմողին տրամադրվում է հարցումը ստանալուց հետո մինչև 5-օրյա ժամկետում։
Եթե հարցվող տեղեկությունը հրապարակված է, ապա հարցումը ստանալուց հետո մինչև 5-օրյա ժամկետում դիմողը տեղեկացվում է, թե երբ և որտեղ է հրապարակվել այդ տեղեկատվությունը։
Եթե հարցվող տեղեկությունը տրամադրելու համար անհրաժեշտ է կատարել լրացուցիչ աշխատանք, ապա այդ տեղեկությունը դիմողին է տրվում դիմումն ստանալուց հետո 30-օրյա ժամկետում: Այդ մասին հարցումն ստանալուց հետո մինչև 5-օրյա ժամկետում էլեկտրոնային փոստի միջոցով տեղեկացվում է դիմողին՝ նշելով հետաձգման պատճառները և տեղեկությունը տրամադրելու վերջնական ժամկետը։

Հարցմանը պատասխան չի տրվում, եթե․

պարզվում է, որ դիմողի ինքնությանը վերաբերող տվյալները կեղծ են,
դիմումը նույն անձի կողմից նույն տեղեկությունն ստանալու պահանջով վերջին 6 ամսվա ընթացքում ներկայացվում է երկրորդ անգամ։

Ուշադրություն

Դիմողը պարտավոր չէ հիմնավորել հարցումը։

Տեղեկության տրամադրման մերժումը կարող է բողոքարկվել լիազորված պետական կառավարման մարմնում կամ դատարանում կամ մարդու իրավունքների պաշտպանի գրասենյակ։

Վճարման չափը և կարգը

Տեղեկության տրամադրումը անվճար է հետևյալ դեպքերում.

բանավոր հարցումներին պատասխանելիս,
մինչև 10 էջ տպագրված կամ պատճենահանված տեղեկություն տրամադրելիս,
տեղեկությունն էլեկտրոնային փոստով (ինտերնետային ցանցով) տրամադրելիս,
տեղեկությունների տրամադրման մասին գրավոր հարցումներին պատասխանելիս, որոնց հրապարակումը կարող է կանխել պետական և հասարակական անվտանգությունը, հասարակական կարգին, հանրության առողջությանն ու բարքերին, այլոց իրավունքներին և ազատություններին, շրջակա միջավայրին, անձանց սեփականությանը սպառնացող վտանգը,
տեղեկության տրամադրումը մերժելիս։
Ոչ հավաստի կամ ոչ լրիվ տվյալներ պարունակող տեղեկություն տրամադրած մարմինը կամ կազմակերպությունն այդ տեղեկությունը ստացած անձի հարցման հիման վրա ևս պարտավոր է անվճար տրամադրել ճշգրտված տվյալներով տեղեկություն:

Տեղեկատվության վճարման համար անհրաժեշտություն կարող է առաջանալ կոնկրետ դեպքերում։ Հանրային նշանակության կազմակերպություններն ինքնուրույն են որոշում տեղեկությունների տրամադրման համար գանձվող գումարի չափը։

Հղում օրենսդրությանը

«Տեղեկատվության ազատության մասին» ՀՀ օրենք

Օրենքը հնարավոր է գտնել arlis.am-ում։

This service can also be utilized through other available methods.

Using different methods might take more time or cost more money.

Offline channel

Service provided by

Տեղեկություն տնօրինող մարմին