• դիմում, որը պետք է պարունակի նոր մասնակիցների մասին տեղեկություններ՝ անձնագրային տվյալները ֆիզիկական անձի դեպքում, կամ գրանցման համարը ՀՀ-ում գրանցված իրավաբանական անձի դեպքում,
• բաժնեմասի կամ դրա մասի օտարման հիմքը,
• ընկերության տնօրենի գրավոր հավաստումը ընկերության մասնակիցների նախապատվության իրավունքի (դրա առկայության դեպքում) իրականացման՝ օրենքով և ընկերության կանոնադրությամբ սահմանված կարգը պահպանելու մասին:
  Եթե ընկերության մասնակցի բաժնեմասը փոխանցվում է նոտարական կարգով վավերացված պայմանագրով, ապա սույն մասում նշված հավաստումը չի ներկայացվում,
• պետական տուրքի վճարման անդորրագիր,
• քաղվածք տվյալ երկրի առևտրային գրանցամատյանից, կամ օտարերկրյա իրավաբանական անձի իրավական կարգավիճակը հաստատող այլ համազոր փաստաթուղթ և նրա հիմնադիր փաստաթղթերը (կամ համապատասխան քաղվածքները)` վավերացված և հայերեն թարգմանված, եթե բաժնեմասի սեփականատեր պետք է դառնա օտարերկրյա իրավաբանական անձ,
• եթե բաժնեմասի սեփականատեր պետք է դառնա օտարերկրյա ֆիզիկական անձ, ապա պետական գրանցման համար նախատեսված փաստաթղթերից բացի` տվյալ անձի անձնագրի կամ անձը հաստատող այլ փաստաթղթի պատճենը՝ վավերացված և հայերեն թարգմանված:

Ընկերության մասնակցի բաժնեմասի բռնագրավման դեպքում պետական գրանցման համար շահագրգիռ անձը ներկայացնում է՝

• դիմում,
• դատարանի` օրինական ուժի մեջ մտած վճիռը կամ կատարողական թերթը,
• պետական տուրքի վճարման անդորրագիրը:

Ընկերությունից մասնակցի դուրս գալու հետ կապված գրանցում կատարելու համար, եթե դիմում է ընկերությունը, ներկայացվում են՝

• դիմում՝ տրված ընկերության կողմից,
• ընկերության անվանմամբ՝ դուրս գալու մասին մասնակցի դիմումի պատճենը,
• պետական տուրքի վճարումը հավաստող փաստաթուղթ:

Ընկերությունից մասնակցի դուրս գալու հետ կապված գրանցում կատարելու համար, եթե դիմում է դուրս եկող մասնակիցը, ներկայացվում են՝

• դիմում՝ տրված դուրս եկող մասնակցի կողմից,
• գրավոր հավաստում` ընկերությունից դուրս գալու մասին մասնակցի դիմումն ընկերության կողմից ստանալու վերաբերյալ, որը տրվում է դուրս եկող մասնակցի կողմից,
• պետական տուրքի վճարման անդորրագիր:

Ընկերության մասնակիցների ժառանգներին կամ իրավահաջորդներին, բաժնեմասի փոխանցմամբ պայմանավորված, գրանցում կատարելու համար անհրաժեշտ է ներկայացնել`

• դիմում,
• ժառանգ կամ իրավահաջորդ համարվելու մասին համապատասխան փաստաթուղթ,
• ընկերության բոլոր մասնակիցների գրավոր համաձայնությունը կամ ընկերության տնօրենի հավաստումն ընկերության մասնակիցների համաձայնության մասին, եթե ընկերության կանոնադրությամբ նախատեսված է, որ նման գործարքը հնարավոր է միայն ընկերության մասնակիցների համաձայնությամբ,
• պետական տուրքի վճարման անդորրագիր։

Եթե բաժնեմասի սեփականատեր պետք է դառնա օտարերկրյա իրավաբանական անձ, ապա, անհրաժեշտ է նաև՝ 

• քաղվածք տվյալ երկրի առևտրային գրանցամատյանից, կամ օտարերկրյա իրավաբանական անձի իրավական կարգավիճակը հաստատող այլ համազոր փաստաթուղթ,
• նրա հիմնադիր փաստաթղթերը` վավերացված և հայերեն թարգմանված։

Եթե բաժնեմասի սեփականատեր պետք է դառնա օտարերկրյա ֆիզիկական անձ, ապա անհրաժեշտ է նաև՝ 

• տվյալ անձի անձնագրի կամ անձը հաստատող այլ փաստաթղթի պատճենը՝ վավերացված և հայերեն թարգմանված:

Այն հնարավոր է վճարել՝

• Բանկային փոխանցման միջոցով,
• Վճարային տերմինալի միջոցով,

Տրամադրման ժամկետը և կարգը

Սահմանափակ պատասխանատվությամբ ընկերության մասնակցի փոփոխության պետական գրանցումն իրականացվում է 2 աշխատանքային օրվա ընթացքում։ 

Հղում օրենսդրությանը

• «Իրավաբանական անձանց պետական գրանցման մասին» ՀՀ օրենք 
• «Պետական տուրքի մասին» ՀՀ օրենք 

Իրավական ակտերը հնարավոր է գտնել arlis.am-ում։