Երևան քաղաքում կառուցապատման ավարտական ակտը (շահագործման թույլտվությունը) ստանալու համար պետք է դիմել Երևանի քաղաքապետարան։ 

Հատկապես վտանգավոր և տեխնիկապես բարդ կամ երկու և ավելի պետությունների շահերին առնչվող՝ բարձրագույն ռիսկայնության աստիճանի (V կատեգորիայի) դասակարգում ունեցող օբյեկտների աշխատանքը ընդունում է ՀՀ կառավարության որոշմամբ ստեղծված ընդունող հանձնաժողովը։ 

Ներկայացվող պահանջները

Մինչև ավարտական ակտը (շահագործման թույլտվություն) ստանալու համար դիմելը անհրաժեշտ է․

• նախապես վճարել սահմանված պետական վճարները,

• ստանալ ընդունող հանձնաժողովի ակտը՝ ստորագրված հանձնաժողովի բոլոր անդամների կողմից, որի համար պետք է ընդունող հանձնաժողովին ներկայացնել կատարողական փաստաթղթերի փաթեթը (որի կազմն ու ձևերը սահմանվում են ՀՀ կառավարությանն առընթեր քաղաքաշինության պետական կոմիտեի կողմից) կազմում է շինարարություն իրականացնող կապալառուն` տեխնիկական հսկողություն և հեղինակային հսկողություն իրականացնող անձանց մասնակցությամբ: 
  
  Շինարարական աշխատանքների ավարտից հետո կատարողական փաստաթղթերը (ակտերը) և շինարարության վարման մատյանը պահպանվում են կառուցապատողի մոտ, իսկ ընդունող հանձնաժողովի անդամներն իրավասու են ուսումնասիրել դրանք՝ պահանջելով կառուցապատողից:
  
  

Ընդունող հանձնաժողովի ակտը տրամադրվում է այն ստորագրելուց հետո՝ առավելագույնը 10-օրյա ժամկետում, քանի որ այդ ժամկետում անհրաժեշտ է նաև Երևանի քաղաքապետարանի «Մեկ պատուհան» գրասենյակ մուտքագրել ավարտական ակտ (շահագործման թույլտվություն) ստանալու դիմումը։ 

Պահանջվող փաստաթղթերը

Տրամադրման կարգը, ժամկետը և վճարները

Ավարտական ակտը տրվում է դիմումի ընդունման օրվանից 3-օրյա ժամկետում II և III կատեգորիայի օբյեկտների համար, իսկ IV և V կատեգորիայի օբյեկտների համար՝ 5-օրյա ժամկետում։

Ավարտական ակտի համար անհրաժեշտ է վճարել․

• մինչև 100 քառակուսի մետր ընդհանուր մակերես ունեցող շենքերի և շինությունների դեպքում՝ 50,000 ՀՀ դրամ,
•  100-ից մինչև 500 քառակուսի մետր ընդհանուր մակերես ունեցող շենքերի և շինությունների դեպքում՝ 100,000 ՀՀ դրամ,
•  500-ից մինչև 1500 քառակուսի մետր ընդհանուր մակերես ունեցող շենքերի և շինությունների դեպքում՝ 200,000 ՀՀ դրամ, 
• 1500-ից և ավելի քառակուսի մետր ընդհանուր մակերես ունեցող շենքերի և շինությունների դեպքում՝ 300,000 ՀՀ դրամ։

Շահագործման թույլտվության համար պետք է վճարել․

• մինչև 100 քառակուսի մետր ընդհանուր մակերես ունեցող շենքերի և շինությունների դեպքում՝ 25,000 ՀՀ դրամ, 
•  100-ից մինչև 500 քառակուսի մետր ընդհանուր մակերես ունեցող շենքերի և շինությունների դեպքում՝ 50,000 ՀՀ դրամ, 
• 500-ից մինչև 1500 քառակուսի մետր ընդհանուր մակերես ունեցող շենքերի և շինությունների դեպքում՝ 100,000 ՀՀ դրամ, 
• 500-ից և ավելի քառակուսի մետր ընդհանուր մակերես ունեցող շենքերի և շինությունների դեպքում՝ 150,000 ՀՀ դրամ։ 

Ավարտական ակտի և Շահագործման թույլտվության համար սահմանված տեղական տուրքերը վճարվում են Երևանի քաղաքապետարանի «Մեկ Պատուհան» գրասենյակում։ Հայտատուն կարող է նաև «Մեկ պատուհան» գրասենյակից ստանալ համապատասխան հաշվեհամարը և վճարումը կատարել բանկում։

Կախված շինարարկան օբյեկտի ռիսկայնության կատեգորիայից և դրա գտնվելու վայրից՝ որոշվում է վճարման հաշվեհամարը, և ըստ այդմ կատարվում է համապատասխան վճարումը։

Հղում օրենսդրությանը

ՀՀ կառավարության 19 մարտի 2015 թվականի N 596-Ն որոշում

Որոշումը հնարավոր է գտնել arlis.am կայքում։