Ինչպե՞ս դիմել

Քաղաքացիական կացության ակտային գրանցումը անվավեր ճանաչելու համար անձը, որի վերաբերյալ կազմվել է ակտը, ներկայացնում է դիմում, որի հիման վրա հարուցվում է վարչական վարույթ։ Այն իրականացվում է «Վարչարարության հիմունքների և վարչական վարույթի մասին» օրենքով սահմանված կարգով:

Ներկայացվող պահանջները

Ծառայության համար կարող է դիմել անձը, որի վերաբերյալ կազմվել է ակտը, կամ գործընթաց կարող է սկսվել Գործակալության նախաձեռնությամբ՝ կրկնակի գրանցում կամ դատարանի վճիռ հայտնաբերվելու դեպքում։

Պահանջվող փաստաթղթեր

Դիմումին կից անհրաժեշտ է ներկայացնել՝

• դիմողի անձը հաստատող փաստաթուղթը,
• դիմումով ներկայացված պահանջը հիմնավորող փաստաթղթերը կամ անհրաժեշտ տեղեկությունները:

Վճարման չափը և կարգը

Քաղաքացիական կացության ակտային գրանցումը անվավեր ճանաչելու ծառայությունը մատուցվում է անվճար։

Տրամադրման ժամկետը և կարգը

Անձի դիմումի հիման վրա հարուցվում է վարչական վարույթ։ Քաղաքացիական կացության ակտային գրանցումն անվավեր ճանաչելու մասին որոշումն ուժի մեջ մտնելուց հետո կամ դատարանի՝ օրինական ուժի մեջ մտած վճիռն ստանալուց հետո գործակալությունը էլեկտրոնային միասնական գրանցամատյանում անվավեր է ճանաչում գրանցված քաղաքացիական կացության ակտը՝ դրանում նշում կատարելու միջոցով:

Ակտային գրանցումը անվավեր է ճանաչվում դատարանի վճիռը Գործակալություն ներկայացնելու (ստանալու) նույն աշխատանքային օրը:

Հղում օրենսդրությանը

Քաղաքացիական կացության ակտերի գրանցման մասին օրենք

Օրենքը հնարավոր է գտնել arlis.am-ում (անհրաժեշտ է կարդալ ակտի վերջին տարբերակը)։