Այց ամրագրելիս անհրաժեշտ է նշել այն անձի տվյալները, ով անձամբ ներկայանալու է ընդունելության: Յուրաքանչյուր այցելուի համար անկախ տարիքից անհրաժեշտ է կատարել անհատական հերթագրում։

Առցանց հերթագրվելու համար անհրաժեշտ է՝

• նույնականացումից հետո «Դիմորդի էջ»-ում լրացնել պահանջվող տվյալները և սեղմել «Հաջորդ էջ» կոճակը,

• բացվող էջի «Այցելության վայր» դաշտում ընտրել նախընտրելի բաժանմունքը,

• լրացնել պահանջվող անձնական տվյալները (անունն ու ազգանունն անհրաժեշտ է լրացնել հայատառ, ինչպես գրված է անձնագրում),

• ընտրել հասանելի օրերից ու ժամերից ամենահարմար տարբերակը։
  
  

Պահանջվող փաստաթղթերը

Մեկ այլ հասցեում հաշվառվելու դեպքում անհրաժեշտ է դիմում ներկայացնել տվյալ հասցեն սպասարկող Միգրացիայի և քաղաքացիության ստորաբաժանում։

Ոչ սեփականատեր հանդիսացող անձին հասցեի հաշվառումից հանելու համար անհրաժեշտ է դիմել հասցեն սպասարկող Միգրացիայի և քաղաքացիության ստորաբաժանում կից ներկայացնելով՝

• անձնագրի պատճենը, 
• սեփականության վկայականի պատճենը:

Օտարերկրյա քաղաքացին հասցեի հաշվառումից դուրս գալու համար պետք է դիմի հասցեն սպասարկող Միգրացիայի և քաղաքացիության ստորաբաժանում ներկայացնելով՝

• անձը հատատող փաստաթղթի կամ ՀՀ-ում օրինական բնակությունը հավաստող փաստաթողթի պատճենը:
  
  

Տրամադրման ժամկետը և կարգը

Անձը կարող է հանվել հաշվառումից`

• սեփականատիրոջ կամ համասեփականատերերից մեկի դիմումի հիման վրա,
• դատարանի վճռի հիման վրա,
• անձի մահվան կամ դատարանի որոշմամբ մահացած ճանաչվելու դեպքում,
• ՀՀ քաղաքացիություն չունեցող անձի մշտական բնակության նպատակով ՀՀ-ից մեկնելու դեպքում` դրա մասին իր հաշվառման վայրի տեղական ռեգիստրին գրավոր տեղեկացնելու դեպքում,
• ՀՀ-ում կացության կարգավիճակի վավերականության ժամկետը լրանալու դեպքում,
• ՀՀ քաղաքացիությունը դադարեցնելու դեպքում։
  
  

Ուշադրություն
Նոր հասցեում հաշվառվելով անձը հանվում է նախկին հաշվառման հասցեից: Նախկին հաշվառման հասցեի տարածքային ստորաբաժանում այցելելու անհրաժեշտություն չկա:

Հաշվառումից հանելու դիմումը կարող է ներկայացվել նաև լիազորված անձի միջոցով: Այս դեպքում լիազորագրի նոտարական վավերացում չի պահանջվում:

Հղում օրենսդրությանը

• ՀՀ կառավարության 2005 թվականի հուլիսի 14-ի N 1231-Ն որոշում
• «Բնակչության պետական ռեգիստրի մասին» ՀՀ օրենք
• «Օտարերկրացիների մասին» ՀՀ օրենք

Որոշումը և օրենքները հնարավոր է գտնել arlis.am-ում։