Պահանջվող փաստաթղթերը

Արտահանման (ՍԻԹԵՍ) թույլտվություն ստանալու համար անհրաժեշտ է ներկայացնել՝

• դիմում՝ ՍԻԹԵՍ գրանցամատյաններում հաշվառվելու նպատակով,

• համապատասխան թույլտվությունը ստանալուց հետո ներկայացնել հայտ՝ ՀՀ տարածքից անհետացման եզրին գտնվող վայրի կենդանիներ (բույսեր) արտահանելու, վերաարտահանելու և ներմուծելու (ՍԻԹԵՍ) թույլտվություն ստանալու նպատակով,

• նմուշի ձեռքբերման և ծագման օրինականությունը հաստատող փաստաթղթերը, նմուշի նկատմամբ հայտատուի սեփականության իրավունքը հաստատող փաստաթուղթ, 

• արտահանողի և ներմուծողի միջև կնքված պայմանագրի պատճենը,

• ներմուծման երկրի կողմից տրված թույլտվությունը,

• տվյալ նմուշի ծագման հավաստագիրը,

• թառափազգիների ձկնկիթների դեպքում նաև՝

• տեղեկություններ այն թառափազգիների ծագման աղբյուրի մասին, որոնցից արտադրվել է ձկնկիթը,

• տեղեկություններ թառափազգիների խավիարի փաթեթավորման կամ վերափաթեթավորման տարաների պիտակավորման և Կառավարության 2009 թվականի հոկտեմբերի 22-ի N 1281-Ն որոշմամբ (իրավական ակտը կնարավոր է գտնել arlis.am-ում) սահմանված կարգով մակնշման մասին,

• տեղեկություններ ձկնկիթների քանակության մասին` ըստ թառափազգիների տեսակների կամ դրանց հիբրիդ ձևերի, և դրանց փոխադրման տարաների մասին,

• դեղագործական, բուժական կամ կանխարգելման նպատակներով օգտագործման համար նախատեսված բույսերի, և կենդանական ծագում ունեցող նյութերի դեպքում տրված արտահանման հավաստագրի պատճենը (տրամադրում է ՀՀ Առողջապահության նախարարությունը)։

Թույլտվության չտրամադրման հիմքերը

Արտահանման թույլտվությունը կարող է չտրամադրվել, եթե՝

• բացակայում են անհրաժեշտ փաստաթղթերը և հայտատուի կողմից չեն ներկայացվել 5 օրվա ընթացքում՝ լրամշակման, իսկ թառափազգիների դեպքում՝ 1 օրվա ընթացքում կամ դրանցում ներկայացված տեղեկությունները չեն համապատասխանում իրականությանը,

• նմուշի առևտուրը չի իրականացվել ՍԻԹԵՍ-ի դրույթներով սահմանված պահանջների համաձայն, կամ գիտական մարմինը տվել է բացասական եզրակացություն,

• կենդանի նմուշների տեղափոխման պայմանները չեն համապատասխանում IATA-ի (օդային ճանապարհով տեղափոխման կանոնակարգեր) կենդանիների կամ շուտ փչացող բեռների կանոններով կամ ՍԻԹԵՍ-ի ուղեցույցներով փոխադրման համար սահմանված պահանջներին,

• հայտում ներկայացված արտահանվող նմուշների տեսակների քանակը գերազանցում է արտահանման համար կողմերի կամավոր սահմանած կամ ՍԻԹԵՍ-ի խորհրդաժողովի կամ մշտական հանձնաժողովի կողմից որոշված տարեկան չափաքանակների ընդհանուր քանակը,

• հայտում նշված արտահանվող նմուշը ձեռք է բերվել «Բուսական աշխարհի մասին» կամ «Կենդանական աշխարհի մասին» կամ «Որսի և որսորդական տնտեսության վարման մասին» ՀՀ օրենքների խախտմամբ:

Տրամադրման ժամկետը և կարգը

Նմուշների արտահանման թույլտվությունը տրամադրվում է դիմումը ներկայացնելուց հետո 10 աշխատանքային օրվա ընթացքում։

Թույլտվությունը տրամադրվում է միայն ֆիզիկապես։

Պահանջվող փաստաթղթերը

Վերարտահանման (ՍԻԹԵՍ) թույլտվություն ստանալու համար անհրաժեշտ է ներկայացնել՝

• դիմում՝ ՍԻԹԵՍ գրանցամատյաններում հաշվառվելու նպատակով,

• համապատասխան թույլտվությունը ստանալուց հետո ներկայացնել հայտ՝ ՀՀ տարածքից անհետացման եզրին գտնվող վայրի կենդանիներ (բույսեր) արտահանելու, վերաարտահանելու և ներմուծելու (ՍԻԹԵՍ) թույլտվություն ստանալու նպատակով,

• տեղեկություններ ՀՀ տարածք ներմուծման համար ստացված նախկին թույլտվության մասին,

• արտահանողի և ներմուծողի միջև կնքված պայմանագրի կամ տվյալ վերարտահանումը հավաստող պայմանագրային այլ փաստաթղթի պատճենը` բացառությամբ այն դեպքերի, երբ փոխադրման ենթակա նմուշը հանդիսանում է տվյալ նմուշը փոխադրողի սեփականություն,

• նմուշի վերարտահանման դեպքում` ներմուծման կամ այլ երկրի կողմից տրված ներմուծման թույլտվությունը,

• նմուշի վերարտահանման դեպքում` տվյալ նմուշի ծագման հավաստագիրը,

• դեղագործական, բուժական կամ կանխարգելման նպատակներով օգտագործման համար նախատեսված բույսերի և կենդանական ծագում ունեցող նյութերի վերարտահանման դեպքում` ՀՀ առողջապահության նախարարության կողմից տրված արտահանման հավաստագրի պատճենը։

Թույլտվության չտրամադրման հիմքերը

Վերարտահանման  թույլտվությունը կարող է չտրամադրվել, եթե՝

• հայտում և դրան կից փաստաթղթերում բացակայող տեղեկությունները դիմողի կողմից չեն ներկայացվել 5 օրվա ընթացքում՝ լրամշակման, կամ դրանցում ներկայացված տեղեկությունները չեն համապատասխանում իրականությանը,

• հայտում նշված նմուշը նախկինում ՀՀ տարածք է ներմուծվել ՍԻԹԵՍ-ի դրույթներով և սահմանված ներմուծման պահանջների խախտմամբ, կամ գիտական մարմինը եզրակացություն է տվել, որ նման առևտուրը սպառնում է տվյալ տեսակի գոյատևմանը,

• կենդանի նմուշների տեղափոխման պայմանները չեն համապատասխանում IATA-ի (օդային ճանապարհով տեղափոխման կանոնակարգեր) կենդանի վիճակում գտնվող կենդանիների կամ շուտ փչացող բեռների կանոններով կամ ՍԻԹԵՍ-ի ուղեցույցներով սահմանված պահանջներին:

Տրամադրման ժամկետը և կարգը

Նմուշների վերարտահանման թույլտվությունը տրամադրվում է դիմումը ներկայացնելուց հետո 10 աշխատանքային օրվա ընթացում:

Թույլտվությունը տրամադրվում է միայն ֆիզիկապես։

Պահանջվող փաստաթղթերը

Ներմուծման (ՍԻԹԵՍ) թույլտվություն ստանալու համար անհրաժեշտ է ներկայացնել՝

• դիմում՝ ՍԻԹԵՍ գրանցամատյաններում հաշվառվելու նպատակով,

• համապատասխան թույլտվությունը ստանալուց հետո ներկայացնել հայտ՝ ՀՀ տարածքից անհետացման եզրին գտնվող վայրի կենդանիներ ներմուծելու (ՍԻԹԵՍ) թույլտվություն ստանալու նպատակով,

• արտահանողի և ներմուծողի միջև կնքված պայմանագրի կամ տվյալ ներմուծումը հավաստող պայմանագրային այլ փաստաթղթի պատճենը` բացառությամբ այն դեպքերի, երբ փոխադրման ենթակա նմուշը տվյալ նմուշը փոխադրողի սեփականությունն է։

Թույլտվության չտրամադրման հիմքերը

Թույլտվությունը կարող է չտրամադրվել, եթե՝

• բացակայում են անհրաժեշտ փաստաթղթերը կամ դրանցում ներկայացված տեղեկությունները չեն համապատասխանում իրականությանը,

•  հայտում նշված նմուշի առևտուրը չի իրականացվել ՍԻԹԵՍ-ի դրույթներով սահմանված պահանջների համաձայն, կամ գիտական մարմինը եզրակացություն է տվել, որ նման առևտուրն սպառնում է տվյալ տեսակի գոյատևմանը,

• կենդանի նմուշների տեղափոխման պայմանները չեն համապատասխանում IATA-ի (օդային ճանապարհով տեղափոխման կանոնակարգեր) կենդանի վիճակում գտնվող կենդանիների կամ շուտ փչացող բեռների կանոններով կամ ՍԻԹԵՍ-ի ուղեցույցներով սահմանված պահանջներին,

• հայտում ներկայացված ներմուծվող նմուշների տեսակների քանակը գերազանցում է ներմուծման համար կողմերի սահմանած կամ ՍԻԹԵՍ-ի խորհրդաժողովի կամ մշտական հանձնաժողովի կողմից որոշված տարեկան չափաքանակների ընդհանուր քանակը:

Տրամադրման ժամկետը և կարգը

Նմուշների ներմուծման թույլտվությունը տրամադրվում է դիմումը ներկայացնելուց հետո 10 աշխատանքային օրվա ընթացում:

Թույլտվությունը տրամադրվում է միայն ֆիզիկապես։

Վճարման չափը և կարգը

Անհետացման եզրին գտնվող կենդանիների (բույսերի) արտահանման, վերարտահանման և նորմուծման (ՍԻԹԵՍ) թույլտվությունը տրամադրվում է անվճար։

Հղում օրենսդրությանը

• «Անհետացման եզրին գտնվող վայրի կենդանական ու բուսական աշխարհի տեսակների միջազգային առևտրի մասին» կոնվենցիա

• ՀՀ կառավարության 2009 թվականի հոկտեմբերի 22-ի N 1281-Ն որոշում

• ՀՀ կառավարության 2008 թվականի օգոստոսի 14-ի N 908-Ն որոշում

• «Կենդանական աշխարհի մասին» ՀՀ օրենք

Իրավական ակտերը հնարավոր է գտնել Arlis.am-ում: