Պահանջվող փաստաթղթերը

Աջակցություն ստանալու համար դիմումին կից անհրաժեշտ է ներկայացնել․

• չափահաս անձանց անձնագրերի պատճեններ (հաշվառման էջերով),
• ամուսնության կամ ամուսնալուծության վկայականները (առկայության դեպքում),
• անչափահաս երեխաների ծննդյան վկայականները, ուսումնառություն և հաշմանդամություն ունենալու, խնամքի ներքո գտնվելու վերաբերյալ տեղեկանքները,
• հաշմանդամություն ունենալու մասին բժշկասոցիալական փորձաքննության տեղեկանք,
• զինծառայողի հիվանդության, վնասվածքի զինվորական ծառայության հետ պատճառական կապի վերաբերյալ ռազմաբժշկական փորձաքննական եզրակացության պատճենը,
• սոցիալական ապահովության մասին տեղեկանք (եթե դիմողը պաշտպանության նախարարության աշխատակից է, ապա տեղեկանքը տրամադրվում է համապատասխան ստորաբաժանումից, իսկ եթե Ազգային անվտանգության աշխատակից է, ապա տեղեկանքը ստանում է ազգային անվտանգությունից),
• տեղեկանք Կադաստրի կոմիտեից՝ շահառուի անվամբ սեփականության իրավունքով բնակելի տարածք ունենալու և վերջին 5 տարում այն վաճառելու մասին,
• տեղեկանք՝ բնակարանային պայմանների մանրամասն նկարագրությամբ,
• զինվորական կենսաթոշակի իրավունքի կամ զոհվելու փաստի հավաստում։
  
  

Աջակցության չափը

Աջակցությունը տրամադրվում է 2 եղանակով՝ սեփականության իրավունքով բնակարան կամ բնակարանի գնման վկայագիր։

• Անհատույց բնակարան սեփականության իրավունքով պետությունը տրամադրում է պատրաստի բնակարան, որը իրավական կերպով դառնում է շահառուի սեփականությունը։ Բնակարանը տրվում է առանց գումարային փոխհատուցման պարտավորության։
• Բնակարանի գնման վկայագրով շահառուն հնարավորություն է ստանում ցանկացած ֆիզիկական կամ իրավաբանական անձից գնել բնակարան պետական ֆինանսավորմամբ՝ որոշակի պայմաններով և ժամկետով։
  
  

Տրամադրման ժամկետը և կարգը

Աջակցությունը տրամադրվում է համապատասխան հանձնաժողովի կողմից դիմումը ուսումնասիրելուց հետո մեկ ամսվա ընթացքում։ Աջակցության հաստատումը կախված է նաև պաշտպանության նախարարության բնակարանային առկա ֆոնդից և առաջնահերթություններից։

Հղում օրենսդրությանը

ՀՀ կառավարության՝ 2018 թվականի դեկտեմբերի 6-ի N 1419-Ն որոշում

Որոշումը հնարավոր է գտնել arlis. am-ում (անհրաժեշտ է կարդալ ակտի վերջին տարբերակը)։