Այս աջակցության ծրագրից օգտվելու համար պետք է դիմել տեղամասային պոլիկլինիկա՝ թերապևտին, ընտանեկան բժշկին կամ մանկաբույժին։  

Ծրագրի մասին

Պետական պատվերի միջոցով հնարավորություն է ընձեռնվում առողջապահության ոլորտի կազմակերպություններում օգտվելու պետության կողմից երաշխավորված անվճար և համավճարով մատուցվող բժշկական օգնության և սպասարկման ծառայություններից։ 

Ներկայացվող պահանջները

Պետական պատվերով առողջապահական ծառայություներից օգտվելու շահառու կարող են լինել հետևյալ խմբերում ընդգրկված քաղաքացիները․  

• ընտանեկան նպաստի համակարգում ընդգրկված 28.01 և ավելի բարձր անապահովության միավոր ունեցող նպաստառուներ,
• հաշմանդամություն ունեցող անձինք՝ ֆունկցիոնալության խորն աստիճանի սահմանափակումով,
• հաշմանդամություն ունեցող անձինք՝ ֆունկցիոնալության ծանր աստիճանի սահմանափակումով,
• հաշմանդամություն ունեցող անձինք՝ ֆունկցիոնալության միջին աստիճանի սահմանափակումով.
• մինչև 18 տարեկան երեխաներ,
• Հայրենական մեծ պատերազմի մասնակիցներ և նրանց հավասարեցված անձինք,
• վերարտադրության տարիքի կանայք` հղիության, ծննդաբերության և հետծննդյան շրջանում՝ 42 օր ժամկետով,
• առանց ծնողական խնամքի մնացած երեխաների թվին պատկանող 18-23 տարեկան անձինք,
• անձի ֆունկցիոնալությունը գնահատող հանձնաժողովի ուղեգրով լրացուցիչ բժշկական հետազոտության ենթարկվողներ,
• զորակոչային տարիքի անձինք (հիվանդանոցային բժշկական օգնություն և հիվանդանոցային փորձաքննություն),
• զինծառայողներ և նրանց հավասարեցված անձինք, նրանց ընտանիքների անդամներ, Հայաստանի Հանրապետության պաշտպանության ժամանակ, ինչպես նաև ծառայողական պարտականությունները կատարելիս զոհված զինծառայողների ընտանիքների անդամներ, երկարամյա ծառայության կամ հաշմանդամության զինվորական կենսաթոշակ ստանալու իրավունք ունեցող նախկին զինծառայողներ,
• փրկարարական ծառայողներ և նրանց ընտանիքների անդամներ, կենսաթոշակի անցնելու կապակցությամբ ազատված փրկարարական ծառայողներ, հաշմանդամություն ձեռք բերած փրկարարական ծառայողներ, ծառայության ընթացքում զոհված փրկարարական ծառայողների ընտանիքների անդամներ,
• ձերբակալվածներ, կալանավորված անձինք և ազատազրկման դատապարտվածներ,
• ծերանոցներում և անօթևանների ժամանակավոր կացարաններում խնամվող անձինք,
• բռնադատվածներ,
• Չեռնոբիլի ատոմակայանի վթարի վերացման աշխատանքների մասնակիցներ,
• մարդկանց շահագործման (թրաֆիքինգի) ենթարկված անձինք,
• ապաստան հայցողներ ու նրանց ընտանիքների անդամներ,
• զինծառայության ընթացքում ստացած վնասվածքի, հիվանդության պատճառով զորացրված անձինք, ովքեր ֆունկցիոնալության գնահատման արդյունքում հաշմանդամություն ունեցող անձ չեն ճանաչվել (հիվանդանոցային բժշկական օգնություն և սպասարկում՝ անձի ֆունկցիոնալությունը գնահատող հանձնաժողովի կողմից կազմված ծառայությունների անհատական ծրագրի շրջանակներում),
• զինծառայության ընթացքում ստացած խեղման, վնասվածքի, հիվանդության պատճառով զորացրված անձինք, բուժման սկզբից 3 ամսվա ընթացքում, մինչև ֆունկցիոնալության գնահատման ուղեգրումը,
• ՀՀ օլիմպիական և օլիմպիական ընտանիքի մարզաձևերի ազգային հավաքականների անդամներ,
• դատաբժշկական, դատահոգեբուժական, դատաթմրաբանական և թմրաբանական փորձաքննություն և իրավասու պետական մարմնի ուղեգրով լրացուցիչ բժշկական հետազոտության ենթարկվողներ: