Հայաստանի Հանրապետության զինանշան
Ծառայությունների
ազգային հարթակ
ԲԵՏԱ

Հարթակը մշակման փուլում է․ ձեր կարծիքը կօգնի մեզ բարելավել այն:

Անշարժ գույք

Ստանալ Երևանում շինարարության թույլտվություն

Շինարարության թույլտվությունը փաստաթուղթ է, որի միջոցով կառուցապատողը կառուցապատման նպատակով տրամադրված հողամասում կամ գոյություն ունեցող շենքերում և շինություններում շինարարական գործունեություն իրականացնելու կամ ոչ հիմնական շինություն տեղադրելու իրավունք է ձեռք բերում։ Ընդ որում՝ ճարտարապետաշինարարական նախագծի համաձայնեցման և շինարարության թույլտվության տրամադրումը կատարվում է ﬕաժամանակ՝ կառուցապատողի կողմից ներկայացված ﬔկ դիմումի հիման վրա:

 

 

Ծառայությունից հնարավոր է օգտվել ֆիզիկապես՝ անձամբ այցելելով գրասենյակ։
Ո՞վ կարող է դիմել
Ֆիզիկական և իրավաբանական անձինք
Դիմելու տևողությունը
Մինչև 15 րոպե
Ծառայության արժեքը
75-700,000 ՀՀ դրամ
Տրամադրման տևողությունը
Մինչև 15 րոպե

Դիմելու համար անհրաժեշտ է

Շինարարության թույլտվություն ստանալու համար ֆիզիկապես պետք է դիմել Երևանի քաղաքապետարանի «Մեկ պատուհան» գրասենյակներ։ 


Ներկայացվող պահանջները

Շինարարության թույլտվությունը ստանալու համար մինչև դիմելը անհրաժեշտ է՝ 

  • պատվիրել նախագծային փաստաթղթերի մշակումը լիցենզավորված կազմակերպությունում՝ կազմակերպության հետ կնքելով կապալի պայմանագիր,
  • նախագծային փաստաթղթերը ենթարկել համապատասխան փորձաքննության քաղաքաշինական փաստաթղթերի փորձաքննության լիցենզիա ունեցող անձի միջոցով։


Փորձաքննության չեն ենթարկվում.

  • II ռիսկայնության աստիճանի դասակարգում ունեցող օբյեկտները, որոնց նախագծային փաստաթղթերի համապատասխանությունը ՀՀ օրենսդրության և նորմատիվատեխնիկական փաստաթղթերի պահանջներին հավաստվում է նախագծի հեղինակի կողմից տրվող երաշխավորագրով,
  • բազմակի օգտագործման օրինակելի նախագծերը և ՀՀ օրենսդրությամբ սահմանված կարգով սերտիֆիկացված նախագծերի զրոյական նիշից բարձր նախագծային փաստաթղթերը, քանի որ դրանք արդեն իսկ ենթարկված են փորձաքննության,
  • վճարել պետական տուրքը։ 

 

Պահանջվող փաստաթղթերը

  • դիմում շինարարության թույլտվության համար (ձևաթուղթը տրաադրվում է տեղում),
  • նախագծային փաստաթղթեր,
  • փարձաքննության եզրակացություն,
  • պետական տուրքի վճարման անդորրագիրը,
  • քաղվածք պետական ռեգիստրից (իրավաբանական անձանց դեպքում),
  • անձնագիր կամ նույնականացման քարտ (ներկայացուցչի դեպքում՝ նաև լիազորագիր և նրա անձնագիրը)։

Շինարարության թույլտվությունը տրամադրելու ժամկետները

Շինարարության թույլտվությունը տրամադրվում է․ 
  • II կատեգորիայի օբյեկտների համար բազմակի օգտագործման օրինակելի նախագծերի կամ սերտիֆիկացված նախագծերի տեղակապման դեպքում՝ 3-օրյա, իսկ մնացած դեպքերում՝ 5-օրյա ժամկետում,
  • III կատեգորիայի օբյեկտների համար` 10-օրյա ժամկետում,
  • IV կատեգորիայի օբյեկտների համար` 15-օրյա ժամկետում։

Դիմողը տեղեկացվում է դիմումի կարգավիճակի մասին իր տրամադրած հեռախոսահամարին ստանալով ծանուցում։ Կարող է առցանց հետևել իր դիմումի ընթացքին՝ հետևյալ հղումով մուտքագրելով ծանուցման մեջ նշված թվային ծածկագիրը։


Վճարվող տուրքի չափը

Շինարարության թույլտվության համար անհրաժեշտ է վճարել պետական տուրք՝ ըստ հետևյալի․

  • մինչև 200 քառակուuի մետր ընդհանուր մակերեu ունեցող հաuարակական և արտադրական նշանակության շենքերի և շինությունների համար՝ 75, 000 ՀՀ դրամ,
  • 200-ից մինչև 500 քառակուuի մետր ընդհանուր մակերեu ունեցող շենքերի և շինությունների համար՝ 150,000 ՀՀ դրամ,
  • 500-ից մինչև 1000 քառակուuի մետր ընդհանուր մակերեu ունեցող շենքերի և շինությունների համար՝ 250,000 ՀՀ դրամ,
  • 1000-ից մինչև 3000 քառակուuի մետր ընդհանուր մակերեu ունեցող շենքերի և շինությունների համար՝ 350,000 ՀՀ դրամ,
  • 3000-ից և ավելի քառակուuի մետր ընդհանուր մակերեu ունեցող շենքերի և շինությունների համար` 700,000 ՀՀ դրամ։ 
 
Շինարարության թույլտվության համար սահմանված տուրքը վճարվում է Երևանի քաղաքապետարանի «Մեկ Պատուհան» գրասենյակում։ Հայտատուն կարող է նաև «Մեկ Պատուհան» գրասենյակից ստանալ համապատասխան հաշվեհամարը և վճարումը կատարել բանկում։
 

Դիմումի պատասխանը պատրաստ լինելուց հետո այն ուղարկվում է դիմողի հասցեին: Միևնույն ժամանակ դիմողը նաև տեղեկացվում է դիմումի կարգավիճակի մասին իր կողմից տրամադրված հեռախոսահամարով։

Ծանուցումը ստանալուց հետո դիմողը պետք է այցելի Երևանի քաղաքապետարանի համապատասխան «Մեկ պատուհան» գրասենյակ՝ նախագծային փաստաթղթերի և շինարարության թույլտվության օրինակները ստանալու համար:

Ուշադրություն

Տրամադրված շինարարության (քանդման կամ ապամոնտաժման) թույլտվության հիման վրա նախատեսվող աշխատանքները սկսելուց առնվազն 3օր առաջ կառուցապատողը պարտավոր է այդ մասին համապատասխան տեղեկանքով իրազեկել Երևանի քաղաքապետարանին (տեղական ինքնակառավարման մարմնին):

Տեխնիկական աջակցության համար՝
Աշխատանքային ժամեր`
10:00 - 18:00
 
Հեռախոսահամար`
0-8000-2020,
(+374) 010 58-59-80
Ծառայության գծով աջակցության համար՝
Աշխատանքային ժամեր`
 
9:00 - 18:00
 
Հեռախոսահամար`
 
(+374) 011 62-17-01
Ծառայությունը մատուցող՝
ՀՀ քաղաքաշինության կոմիտե
[email protected]https://www.minurban.am
Այս էջը օգտակա՞ր էր